Hamulaho wa kozi ye ne ezahezi la April 2010 kwa mushini o muñwi wa ku lafisa oli mwa liwate, moya o muñata o lubeta wa kena mwa liwate mi ni oli ye ñata ya zwelapili ku suluhela mwa liwate ibato ba ka likweli ze taalu. Mwa patisiso ye ne ezizwe ki sikwata se siñwi sa babatisisi ne ku fumanwi kuli hamulaho wa likweli ze peli ni licika, likalulo ze ñwi za moya wo ni oli yeo ze silafaza ne se li felile. Mi babatisisi bao, ne ba ngile kuli ne li felisizwe ki maikolokuwawa a sinya moya o bizwa methane. Kono licaziba ba bañwi ba kakanya taba yeo, ba lumela kuli buñata bwa oli i ile kwatasaa liwate.

Mutende o bizwa Rossiiskaya Gazeta u biha kuli mwa patisiso ye ñwi ne ku fumanwi kuli 59 pesenti ya batu ba mwa Rus sia ba mwa lilimo ze kalela fa 18 ku isa 35 ba lumela kuli, “kuli mutu a kondise mwa bupilo, fokuñwi u tokwa ku tokolomoha likuka ze nde za lumela ku zona.”

Mitose ye miñwi ya kale hahulu ye kile ya fumanwa (sina mutose o bonisizwe fahalimu) i bonisa kuli bayahi ba libaka ze kwa mutulo wa Peru ne ba ezanga matuyutuyu a mbonyi ni bupi bwa mbonyi ibato ba lilimo ze 3,000 kwamulaho.

Lucio Soravito De Fran ceschi bishopu mwa keleke ya Katolika kwa Adria-Rovigo u lumela kuli lushango lwa bulapeli lu swanela ku “isiwa kwa batu, “ ili ko ba pila luli. U bulela kuli: ‘Musebezi wa luna wa ku babalela lingu za Mulimu u swanela ku cinca. Lu swanela ku tuhela ku bizanga feela batu ka ku lizanga milangu ya keleke ni ku kalisa ku yelanga batu kwa mandu a bona.’

Teko ye si ya ka mulao ya lunaka lwa sukulu lo lu itusiswa sina mulyani se i pahami hahulu, kilo i liñwi se i kona ku lekiswa fa $65,000 (ibato ba K331, 500,000). Ka silimo sa 2011, mwa naha ya South Africa feela, ne ku bihilwe palo ye eza 448 ya lisukulu ze ne bulailwe ki bazumi ba ba si na mañolo. Limiziyamu ni lintolo ze ñwi mo ku lekisezwa lika ze itusisizwe mwa Yurope se li kenezwi ki masholi ba ba bata manaka a lisukulu. Mane nihaiba lisukulu ze utiwa ka mulelo wa ku buhiswa kwa batu mwa Yurope, ni zona li mwa lubeta.