Hañata batu bakomokanga mutu habonisa likute kabakala kuli habazibahali kuba batu bababonisanga likute.

Ka mutala, batu babañata hababonisangi likute kwa bashemi babona, kwa batu babahulu, kwa mapokola, kwa babelekisi babona ni kwa baluti. Kwandaa zeo, batu babulelanga ka kutokwa likute kwa batu babañwi fa intaneti! Ka kuya ka hatiso ya ba Harvard Business Review, kusa bonisa likute “kuzwelapili kuekezeha.” Hatiso yeo ikeza kuli batu “babilaezwa hahulu ki taba yeo mi sebabilaezi ka nako yetelele.”