Zeo ki zona zene balemuhile babatisisi ba lifasi ka za mayemo a lihalimu. Haiba mwalumela ku Mubupi yaisa pilu batu kaufela, mubonelo wa ba sayansi wo uka mitusa kuhupula linzila zeñata zalukisize Mulimu kuli lifasi libe lelinde.

Bakeñisa kuli batu basinyize hahulu lifasi, halikoni kuba lelinde kaili lona feela. Ki kabakalañi halukona kuba ni buikolwiso bwa kuli Mulimu uka lukisa lika?

Munyakisise mañolo afumaneha mwa mbokisi ili alufa buikolwiso bwa kuli lifasi likaba hande kwalipili.

• Mulimu ki yena Mubupi wa lifasi. “Kwa simuluho, Mulimu naabupile mahalimu ni lifasi.”—Genese 1:1

• Mulimu ki yena muñaa lifasi. “Lifasi ki la Jehova  a ni zeinzi mwateñi kaufela.”—Samu 24:1

• Mulimu naabupile lifasi ka nzila yelitusa kuli lisike lasinyeha. “Utomile lifasi fa mitomo yalona; halina kusutiswa mwa sibaka salona kuya kuile.”—Samu 104:5

• Mulimu usepisa kuli bupilo bukaba bobunde fa lifasi kuya kuile. “Mulimu wa niti, yena yaezize lifasi, . . . yanaasika libupa feela kusina mulelo, kono yanaa liezize kuli liyahiwe.”—Isaya 45:18

• Mulimu usepisa kuli batu bakapila fa lifasi kuya kuile. “Babalukile bakaluwa lifasi, mi bakapila ku lona kuya kuile.”—Samu 37:29

Mulimu ubupile lifasi ilikuli batu baikole bupilo kusina ya lisinya. Bibele isepisa kuli Jehova Mulimu ukayundisa batu kaufela babasinya lifasi ka nako yahae yetomilwe.—Sinulo 11:18

Bibele isepisa kuli Mulimu ukafetula lifasi kulibisa paradaisi yende ni kufumbutula lizoho lahae kuli ‘akulise takazo ya zepila kaufela.’—Samu 145:16