Litaluso zeo zakona kumitusa kuutwisisa hande Linzwi la Mulimu. Likopanyeleza litaba zebonisa mone liezezwa lika zebulezwi mwa timana yeñwi ya mwa Bibele, libaka hane iñozwi, batu bone iñolezwi, kamba taluso ya manzwi kamba lipulelo zeñwi.

Halubala timana yeñwi ya mwa Bibele ka kuitusisa SIFALANA SA FA INTANETI sa Watchtower^™ kamba Progilamu ya JW Library^®, lwakona kufumana lihatiso zebulela za timana yeo ze mwa Buka ya Lipatisiso. Mwakona kufumana lihatiso zeo mwa Bibele ifi kamba ifi yeliteñi ka kusina fa kasupo kakabonisa Buka ya Lipatisiso.

Hamuitusisa lihatiso zeo, mulemuhe kuli zeñwi ki zenca, mi zeñwi ki zakale. Lihatiso zenca libeilwe fahalimu. Kwatasi mukafumana lihatiso zakale, mi ku zeñwi za lihatiso zeo, kunani kutwisiso yakale yecincizwe.

• Haluitusisa SIFALANA SA FA INTANETI sa Watchtower, lukalemuha kuli lihatiso kaufela ze mwa Buka ya Lipatisiso zebulela za timana yelubala liteñi nikale.

• Kuli mufumane lihatiso zebulela za timana yeñwi mwa Progilamu ya JW Library, muikungele Buka ya Lipatisiso mi nako ni nako mubonange teñi kuli buka yeo inani lihatiso zenca. Kuli mufumane hatiso yeo, musine fa timana ifi kamba ifi ya mwa Bibele mi hasamulaho, musine fa kasupo kakabonahala inge daimani. Hase muezize cwalo, musine fokuñozwi kuli download fahalimwaa mukoloko o mwa kalulo ya litaba za kuituta.