Bo mutu ni musalaa hae bababalanga litaba zeezahezi mwa bupilo bwa mizwale ni likaizeli baluna zazi ni zazi kakusasana, batalusa kuli: “Litaba ze lilutahiselize tabo mi lilususuelize hahulu! Lilutusize kulemuha kuli ni luna lwakona kuzwelapili kusepahala halukopana ni miinelo yetaata.” Kaizeli yomuñwi ni yena uikutwa cwalo, mi naañozi kuli: “Litaba zeezahezi mwa bupilo bwa mizwale baluna zeo zaomba-omba, kutiisa, ni kususueza. Mizwale ni likaizeli baluna banani tabo luli. Zeezahezi mwa bupilo bwabona linisusuezanga kueza zeñata mwa bukombwa ni kutusa bana baka kuitomela sikonkwani sa kusebeleza Jehova mwa sebelezo ya nako kaufela.”

Zeezahezi mwa bupilo bwa mizwale ni likaizeli baluna zakona kumitusa kuitomela likonkwani zende za kwa moya, kutula bufokoli bobuñwi bomunani bona, ni kutiyela miinelo yetaata inze mutabile. Mukona kufumana cwañi litaba zeo?

• Mubate mwatasaa litaba zeñwi zefumaneha fa jw.org kamba fa JW Library® litaba zeli, “Zeezahezi Mwa Bupilo Bwa Lipaki za Jehova.”

• Mubate litaba zeli, “Zeezahezi Mwa Bupilo Bwa Lipaki za Jehova” mwa SIFALANA SA FA INTANETI^™ sa Watchtower.