ZEKONA KUMITUSA KUFELISA SITOYO
1 | Musike Mwaba ni Ketululo
Zeiluta Bibele:
“Mulimu haketululi, kono mwa sicaba ni sicaba mutu kaufela yamusaba ni kueza sesilukile ulumelelwa ki yena.”—LIKEZO 10:34, 35.
Selitalusa Liñolo:
Jehova * Mulimu haluketululangi kabakala naha koluzwa, mubala wa litalo laluna, kamba kabakala sizo saluna. Mwa sibaka sakubonisa ketululo uisanga pilu kwa lika za butokwa hahulu ili lika zelunahana ni zelutabela kueza. Bibele hape ilutaluseza kuli, “mutu ubona ponahalo ya kwande, kono Jehova yena ubona sesi mwa pilu.”—1 Samuele 16:7.
Zemukona Kueza:
Niha lusakoni kuziba hande batu sina mwabazibela Mulimu, lwakona kumulikanyisa ka kusaketulula babañwi. Mulike ka taata kuunga mutu ni mutu ka mwainezi musa mubapanyi ku babañwi. Haiba mulemuha kuli munani maikuto amaswe ka za batu babañwi, mwendi ikona kuba batu ba mubala wa litalo lisili kamba ba kwa naha isili, mulapele ku Mulimu kuli amituse kufelisa maikuto amaswe ao. (Samu 139:23, 24) Haiba mukupa Jehova kuzwelela kwataasa pilu kuli amituse kusaba ni ketululo, ukautwa tapelo yamina mi uka mitusa luli.—1 Pitrosi 3:12.
^ Bibele ibonisa kuli Jehova ki libizo la Mulimu.—Samu 83:18.
“Neli lwapili kuna kuina hamoho ni mukuwa ka kozo . . . Cwale senili mwa kopano ya niti ya mizwale mwa lifasi kaufela.”—BO TITUS
Hape Mwendi Mwakona Kutabela Litaba Ze
TAWALA YA MULIBELELI
Jehova “ha Ketululi”
MUZUHE!
Bibele I Bulelañi ka za Saluluti sa Mubala?
Kana batu kaufela ba likanelela? Kana saluluti sa mubala si ka fela muta o muñwi?
