Halubala Bibele, lwakona kuitusisa lihatiso zeshutana-shutana kueza lipatisiso kuli luutwisise hande zelubala. Kono mulelo waluna halubala haki kuekeza feela kwa zibo yaluna ka za Bibele. Lubata kufumana Litaba za Butokwa za Kwa Moya ka za mwainezi Jehova zeka lutusa kumulata hahulu. Kuli lueze cwalo, lwakona kuipuza kuli: ‘Taba ya mwa Bibele ye, inilutañi ka za Jehova?’

Lwakona kubata bupaki bobubonisa mo Jehova aboniselize tulemeno twahae twa butokwa totucwale ka lilato, butali, katulo yelukile, ni maata. Niteñi, to haki tona feela tulemeno twanani tona Jehova. Unani tulemeno totuñwi totunde. Mukona kufumana kai litaba zeñata ka za tulemeno twahae?

Muye mwa Buka ya Lipatisiso ya Lipaki za Jehova mwatasaa toho ya taba yeli, “Jehova Mulimu” mi kihona mukaya fa tohonyana ya taba yeli, “Tulemeno Twa Jehova.” Hase muezize cwalo, mubate tulemeno totu mwa taba ya mwa Bibele yemusweli kubala.