Bashemi banani buikalabelo bobutuna bwa kuluta bana babona ka za Jehova. (Maef. 6:4) Kopano ya Jehova ilukisize liitusiso zeshutana-shutana zekona kutusa bashemi kuluta bana babona. Mukona kuitusisa cwañi liitusiso zeo kwa kuluta bana bamina?

• Mufumane lika za kuitusisa. Fa JW.ORG kunani lika kaufela zelukiselizwe banana, zecwale ka mavidio ni litaba za kubala. a Kuli mufumane lika zeo, muñole kuli “Banana” kamba “Babanca” mwa mbokisi yeli, mubate.

• Mukete lika zekona kutusa hahulu mwanaa mina. Mwatasaa taba yeli, “Banana” mwakona kuketa mavidio, lipina, ni lika zeñwi zemubona kuli zakona kutusa mwanaa mina.

• Mube ni nako yeñata ya kunyakisisa lika zeo ni bana bamina. Muambuke mukwa wa kuitusisa mavidio kamba litaba za kubala zelukisizwe ki kopano ka mulelo feela wa kupatehisa mwanaa mina. Kono munyakisisa mavidio ni litaba zeo ni mwanaa mina kuli mumutuse kuba ni silikani sesitiile ni Jehova.