ZEMUKONA KUITUTA
Batu Babasepahala Bapetanga Buitamo Bwabona
Mubale Baatuli 11:30-40 kuli muituta kwa likande la Jefita ni mwanaa hae wamusizana ka za kupeta buitamo.
Mubatisise litaba zeñwi zeswalisana ni taba yeo. Maisilaele babasepahala nebaanga cwañi buitamo bwabona ku Jehova? (Num. 30:2) Jefita ni mwanaa hae wamusizana nebabonisize cwañi kuli nebanani tumelo ku Jehova?—Baat. 11:9-11, 19-24, 36.
Mubatisise litaba zeñwi ka butungi. Kubonahala kuli ki lika mañi zanaanahana Jefita hanaaezize buitamo? (w16.04 6 ¶12) Ki buitomboli mañi bwanaaezize Jefita ni mwanaa hae wamusizana kuli apete buitamo bwanaaezize. (w16.04 6-7 ¶14-16) Ki buitamo bobucwañi bobakona kueza Bakreste kacenu?—w17.04 5-8 ¶10-19.
Mulemuhe zemuituta. Muipuze kuli:
-
‘Ki lika mañi zekona kunitusa kupeta buitamo bwaka bwa buineelo?’ (w20.03 13 ¶20)
-
‘Ki buitomboli mañi bonikona kueza kuli nisebeleze Jehova ka kutala?’
-
‘Ki lika mañi zekona kunitusa kuba ni takazo yetuna ya kupeta buitamo bwa linyalo?’ (Mat. 19:5, 6; Maef. 5:28-33)