Hamubala Bibele, mulemuhe litaba za butokwa za kwa moya ka kueza lipatisiso. Kono ki lika mañi zelukona kueza kuli lutusehe hahulu?

Mubatisise litaba zeñwi ka za taba yemubala. Ka mutala, mulemuhe yanaañozi taba yeo, bane bañolezwi, ni fone iñolezwi. Ki lika mañi zeneezahala ka nako yeo, ki lika mañi zeneezahezi pili taba yeo isika ñolwa kale, mi ki lika mañi zeneezahezi hasamulaho?

Mulemuhe zemuituta ka kueza lipatisiso fa lipuzo ze: ‘Batu bababulezwi mwa taba ye nebaikutwile cwañi? Ki tulemeno tufi tone babonisize? Ki kabakalañi haniswanela kubonisa tulemeno to kamba kututokolomoha?’

Musebelise zemuituta, inge cwalo hamuli mwa bukombwa kamba hamusebelisana ni babañwi. Haiba mueza cwalo, mukabonisa kuli munani butali bobuzwa ku Mulimu, sina moiboniseza Bibele kuli: “Mutu kaufela yabutali ukamamela litaba ze.”—Samu 107:43.

• Akalezo: Mulemuhe mo kalulo yeli, Litaba za Butokwa Zezwa Mwa Linzwi la Mulimu, ya mwa mukopano wa mwahalaa sunda ilutusezanga kusebelisa zeluituta. Mwa kalulo yeo, hañata kubanga ni lipuzo zelukona kuipuza, litaba zelukona kunahanisisa, ni mitala yelukona kunyakisisa.