Batu babañata kubabelanga taata kuhupula zebaitutile, mi mwendi ni mina kumibelanga taata. Kono kubunolo kuhupula litaba zeñata zanaalutile Jesu bakeñisa kuli hañata naaitusisanga liswanisezo. Mwakona kueza inge bababona liswanisezo zeo, mi kueza cwalo kuka mitusa kulihupula. Ka mukwa oswana, mwakona kuhupula lika zeñata zemuitutile ka kueza inge bababona lika zeo. Mukona kueza cwañi cwalo? Ka kuswanisa maswaniso hamunze muituta.

Batu babaswanisanga maswaniso a lika zenca zebaitutile hañata kubabelanga bunolo kulihupula. Kuswanisa maswaniso kubatusanga kuutwisisa hande manzwi ni lisupo zetuna zebaitutile. Habaswanisangi ka bukwala bobuipitezi kono baezanga cwalo ka nzila yebunolo. Mi bupaki bubonisa kuli basupali sihulu bakona kutusiwa ki muezezo wo.

Nako yetatama hamuka ituta, mwakona kulika kuswanisa maswaniso a lika zemuitutile. Haiba mueza cwalo, mukalemuha kuli litaba zemuka hupula ki zeñata hahulu!