Ki tohonolo yetuna kupila ka nako yeo Jehova asweli kupatulula litaba za mwa Bibele hanyinyani-hanyinyani ni kulutusa kuliutwisisa kufita kwamulaho. (Dan. 12:4) Nihakulicwalo, mwendi kukona kulubela taata kuzamaelela ni kutwisiso yenca ya litaba za mwa Bibele zelulumela. Ki kakai kolukona kufumana litaba zetalusa kutwisiso yaluna yenca ya litaba za mwa Bibele zelulumela?

• Mwa hatiso ya Watch Tower Publications Index mwatasaa taba yeli, “Beliefs Clarified,” kukolohanyizwe kutwisiso yenca ya litaba zelulumela ka kuya ka lilimo. Kuli mufumane litaba zeo, muye mwa Sifalana sa Lihatiso za Watch Tower kamba mwa SIFALANA SA FA INTANETI sa Watchtower, mi mwa mbokisi yeli mubate muñole kuli “understanding clarified” (mubeye manzwi ao mwa lisupo zebonisa manzwi akopisizwe kamba abulezwi.)

• Mwa Buka ya Lipatisiso ya Lipaki za Jehova ni mona kunani litabanyana zekolohanyizwe. Kuli mufumane litaba zeo, muye fa taba yeli, “Lipaki za Jehova,” mi mwatasaa, “Mibonelo ni Litumelo,” mubone taba yeli, “Kutwisiso Yenca ya Litaba.”

Ka nako ya tuto ya ka butu, neikaba hande hane mukanyakisisa kutwisiso yenca ya litaba zelulumela ni kulemuha libaka la mwa Mañolo lelitahisize kuli kube ni kutwisiso yeo.