Halunze luitukiseza kuituta, mwendi lwakona kuipuza kuli, ‘Ki lika mañi zenilibelela kuituta?’ Nihakulicwalo, luswanela kutokomela kuli zelulibelela kuituta hali lupaleliswi kulemuha zabata Jehova kuli luitute. Lukona kuitukiseza cwañi kuituta lika zenca?

Mukupe butali ka tapelo. Mukupe Jehova kuli amituse kulemuha zabata kuli muitute ka nako yeo. (Jak. 1:5) Muambuke kuitinga hahulu fa kutwisiso yene munani kwamulaho.—Liprov. 3:​5, 6.

Mulumeleze Linzwi la Mulimu lelinani maata kuli licince bupilo bwamina. “Linzwi la Mulimu lapila.” (Maheb. 4:12) “Linzwi” la Mulimu lelipila lakona kulutusa mwa linzila zeshutana-shutana, ibile feela luikataza kuituta lika zenca.

Muitebuhe lico kaufela ze fa tafule ya Jehova. Lico za kwa moya zalufa Jehova liswana feela sina “mukiti wa lico zende hahulu.” (Isa. 25:6) Musike mwaketa kuca feela “lico” zemunahana kuli mukaikola zona. Ka kueza cwalo, mukalumeleza Mulimu kumitusa kuba mutu yomunde, mi mukaikola luli kuituta!