Kezahalo Ye Mu Lukela ku Fumaneha Teñi

“Mpo ye nde kaufela, ni mpo ye petehile kaufela” li zwa ku Mulimu, yena Ndat’a luna wa kwa lihalimu.—Jakobo 1:17.

MPO ye tuna ka ku fitisisa yeo Mulimu a file kwa batu ba ba si ka petahala ki tukiso ya ku ba liulula ka Mwan’a hae wa libanda, yena Jesu Kreste. Lifu la Jesu, yena Muliululi wa luna, li tahisa kuli bupilo bo bu sa feli bu kone ku ba teñi mwa paradaisi fa lifasi-mubu. Kwa Luka 22:19, lu laelwa ku hupula lifu la hae.

Lipaki za Jehova ba mi mema ha silikani ku swalisana ni bona mwa ku mamela taelo ya Jesu. Kupuzo yeo ya ka silimo i ka ezahala lizazi ha se li likezi fa lizazi le li zamaelela ni Nisani 14 fa kalenda ya mwa miteñi ya likezahalo za mwa Bibele—ili la Sunda, ka la April 8, 2001. Mu ñole lizazi leo kuli mu kone ku li hupula. Lipaki za Jehova ba ba mwa kalulo mo mu pila ba kona ku mi bulelela sibaka ko i ka ezahalela Kupuzo yeo ni nako tenyene.