Lipuzo Ze Zwa kwa Babali
Lipuzo Ze Zwa kwa Babali
Kabakala kuli Jehova u lata ku swalela libi ka mutomo wa sitabelo sa tiululo, ki kabakalañi ha ku tokwahala kuli Bakreste ba itumelele libi kwa banna-bahulu ba puteho?
Sina mo i boniseza taba ya bo Davida ni Bati-Sheba, Jehova n’a swalezi sibi sa Davida, nihaike ne li se situna, kakuli Davida n’a bakile ha buniti. Mupolofita Natani ha n’a atumezi Davida, n’a itumelezi patalaza kuli: “Ni foselize [Muñ’a] Bupilo.”—2 Samuele 12:13.
Kono Jehova ha amuhelangi fela ku baka ko ku buniti kwa muezalibi ni ku mu swalela. Kono hape u ezanga litukiso ze lilato za ku tusa sifosi y’o kuli a kone ku eza hande hape kwa moya. Ku Davida, tuso ne i tile ka mupolofita Natani. Kacenu, mwa puteho ya Sikreste, ku na ni banna ba ba hulile kwa moya, kamba maeluda. Mulutiwa Jakobo u li: “Ku mina, kana ku na ni ya kula [kwa moya]? A bize ba bahulu ba Keleke, ba t’o mu lapelela ni ku mu toza oli ka Libizo la Mulena. Mi tapelo ye ezizwe ka tumelo i ka pilisa ya kula, mi Mulena u ka mu zusa; mi haiba u na ni libi z’a ezize, u ka li swalelwa.”—Jakobo 5:14, 15.
Maeluda ba ba na ni yeloseli ba kona ku tusa hahulu mwa ku felisa butuku bwa mwa pilu ya muezalibi ya bakile. Ba lika ka t’ata ku likanyisa Magalata 6:1) Nihaikaba kuli mutu y’o ha itumeleli sibi sa hae, a kana a susuezwa ku baka ha atumelwa ki maeluda, sina mwa n’a ezelize Davida ha n’a atumezwi ki Natani. Kacwalo, tuso ye fiwa ki maeluda i tusa sifosi ku pima kozi ya ku kutela sibi ni butata bo bu zwanga mwateñi bwa ku ba muezalibi ya cinezi.—Maheberu 10:26-31.
Jehova ka mo ba tuseza sifosi. Ha ba lati ku halifa, nihaikaba kuli kalimelo ye tiile ya tokwahala. Kono ba nyakisisa ka mufelañeke z’a tokwa mutu y’o honaf’o. Ba satalala ka pilu-telele ku cinca munahano wa sifosi ka ku itusisa Linzwi la Mulimu. (Kaniti ki nto ye t’ata ku mutu ku itumelela ku ba bañwi likezo z’a swabela ni ku bata swalelo. Ku tokwahala ku tiya pilu. Kono mu kutumane hanyinyani mu nyakisise ze maswe ze kona ku zwa mwateñi mutu h’a sa ezi cwalo. Munna yo muñwi ya n’a palezwi ku patulula sibi sa hae se situna kwa maeluda ba puteho n’a ize: “Ne ni utwa butuku kwa pilu bo ne bu sa feli. N’a ekeza kwa musebezi wa ka wa ku kutaza, kono butuku bwa mwa pilu bwa zwelapili.” N’a nahana kuli ku itumelela ku Mulimu mwa tapelo ku likani, kono kaniti ne ku si ka likana, kakuli n’a utwile butuku bwa n’a utwile Davida. (Samu 51:8, 11) Ki ko kunde hahulu ku amuhela tuso ye lilato yeo Jehova a fa ka maeluda!