Liñolo la Bupaki la Musebezi O Munde

KOPANO ya Association of Congolese and African Journalists for the Development (AJOCAD) ya mwa naha ya Democratic Republic of Congo ya fa liñolo leo sina “mupuzo kwa batu kamba likopano ze tusa nyangela ze italuhanya ka ze li eza za ku tusa mwa ku tahisa zwelopili mwa [Congo].”

La November 17, 2000, Liñolo la Bupaki la Musebezi O Munde ne li filwe kwa Lipaki za Jehova kabakala “ze ba ezize mwa ku tusa ku tahisa zwelopili kwa batu ba mwa Congo [ka] tuto ye fumaneha mwa lihatiso za bona.”

Ka ku bulela za mupuzo w’o, mutende wa kwa Kinshasa wa Le Phare n’o ize: “Ku t’ata ku fumana mutu wa mwa Congo ya si ka ba ni limagazini za Tora ya ku Libelela ni Awake! kamba lihatiso ze ñwi ze hatisizwe ki Lipaki za Jehova. Limagazini zeo li [nyakisisa] likalulo kaufela za mwa bupilo.” Mutende w’o hape n’o ize lihatiso zeo li bonisa “mwa ku talimanela ni matata a kacenu” ni ku bonisa “taluso luli ya miinelo ya kacenu.” Magazini ni magazini ya Awake! “ha i yo ku za bupolitiki mi ha i pahamisi mushobo fahalimw’a mushobo o muñwi.” Hape, limagazini zeo li tiisa “buikolwiso mwa sepiso ya Mubupi ya ku tahisa lifasi le li na ni kozo ni buiketo, lona le li ka tuha li yola muinelo wa linto wa cwale o maswe, ili o si na mulao.”

Ka mo ne i lemuhezi kopano ya AJOCAD, lihatiso za Lipaki za Jehova li tusize batu ba bañata ba mwa Congo. Lushango lwa bona lo lu fa sepo lo lu fumaneha mwa lipuo ze mianda-nda lwa kona ku mi tusa ni mina.

Shangwe, mu bone kwatasi mo mu kona ku fumanela tuso ku zona.