Kezahalo ya Butokwa ka ku Fitisisa Haisali

N’E LI lifu la Jesu Kreste. Ki kabakalañi ha ne li li la butokwa cwalo? Ku na ni mabaka a sikai.

Ku sepahala kwa Jesu ku fitela a shwa ne ku bonisize kuli batu fa lifasi b’a kona ku bukeleza busepahali bwa bona ku Mulimu.

Lifu la Kreste ne li file ba bañwi tohonolo ya ku ba babusi hamoho ni yena kwa lihalimu. Hape ne li kwalulezi ba bañata kolo ya ku ikola bupilo bo bu sa feli mwa paradaisi ya fa lifasi-mubu.

Manzibwana a n’a latelezwi ki lizazi la n’a shwile, Jesu n’a itusisize buhobe bo bu si ka ya mumela ni veine ye fubelu sina liswanisezo za sitabelo sa hae se si lilato. Mi n’a bulelezi balutiwa ba hae a li: “Mu eze cwalo kuli mu ni hupule.” (Luka 22:19) Kana mu ka hupula kezahalo ya butokwa ye?

Lipaki za Jehova ba mi mema ha silikani kuli mu swalisane ni bona mwa ku eza Kupuzo ya lifu la Jesu. Silimo se lizazi la Kupuzo yeo, ikaba la Bune, la March 28, hamulaho wa ku likela kwa lizazi. Mwa kona ku fumaneha teñi kwa Ndu ya Mubuso ye li bukaufi ni ko mu pila. Shangwe mu buze Lipaki za Jehova ba mwa kalulo ya mina ka za nako tenyene ni sibaka sa mukopano.