“U Bulezi Niti, Bupilo Bu Munati!”

KANA ne mu ka tabela ku ziba mulelo tota wa bupilo? Magdalena, yo muñwi wa Lipaki za Jehova wa lilimo ze 18 ya pila kwa Szczecin, kwa Poland, n’a tusize Katarzyna y’a kena ni yena fa sikolo sa sekondari kuli a zibe mulelo luli wa bupilo. Katarzyna n’a lumela kuli ha ku na Mulimu, kono Magdalena ha n’a mu ambotile ka za Bibele, a bonisa cisehelo ya luli.

Nihaike za n’a mu bulelezi Magdalena ku zwelela mwa Bibele ne li mu tabisize, Katarzyna n’a si ka ikolwisisa. Ha n’a ambola ni Magdalena ka za balikani ba niti, Katarzyna n’a kile a bulela kuli: “Wena u na ni Bibele; w’a ziba likuka za ku latelela ni ko ba fumaneha balikani. Kono ku cwañi ka za bao ba ba si ka ikolwisisa kale likuka zeo?”

Katarzyna n’a cincize mubonelo wa hae ha na ile kwa England, mwa London. Teñi k’o n’a izo potela ofisi ya mutai wa Lipaki za Jehova, mi n’a susumelizwe hahulu ki mwa n’a ezelizwe ka musa. Likezo ze nyinyani ze cwale ka ku mu kwalulela sikwalo h’a kena ni ku bonisa cisehelo ya luli ku z’a bulela ne li mu tabisize.

Ha ba kala silimo se sinca kwa sikolo mwa September ya 2001, Katarzyna a ikupulela ku ba ni tuto ya Bibele ya kamita. U zwelapili ku kuteka likuka za Bibele mi s’a kalile ku li sebelisa mwa bupilo bwa hae. Cwanoñu fa, n’a patululezi Magdalena kuli: “Ni ikutwa inge ni kalisa bupilo bo bunca.” Hape n’a mu lumezi lushango lo lu kuswani fa luwaile, a li: “Ni itumezi hahulu kwa tuto ya luna kacenu! U bulezi niti, bupilo bu munati! Kw’a tabisa ku ziba ye lu lukela ku itumela ku yena ka za nto yeo.”