Kana Mwa Hupula?

Kana mu ikozi ku bala limagazini za cwanoñu fa za Tora ya ku Libelela? Mu bone haiba mwa kona ku alaba lipuzo ze latelela:

• Complutensian Polyglot ne li ñi, mi ki kabakalañi ha ne i li ya butokwa?

Ne li Bibele ye ne ñozwi mwa lipuo ze ñata ze na ni mañolo kafa ni kafa fa likepe, mi litaba za yona ne li zona litaba ze nde ka ku fitisisa mwa miteñi yeo mwa Siheberu, Sigerike, Silatini, hamoho ni likalulo ze ñwi za mwa Siarami. Bibele ya Polyglot ne i li zwelopili ye tuna ye ne ezizwe mwa ku hatisa litaba ze nepahezi za mwa lipuo za kwa makalelo.—4/15, makepe 28-31.

• Batu ba kona ku tabisa cwañi Mulimu?

Ka ku ba mutu luli ya pila, Jehova wa kona ku nahana, ku eza lika, mi u na ni maikuto. Ki “Mulimu ya tabile” mi u tabelanga ku bona mulelo wa hae ha u petahala. (1 Timotea 1:11, NW; Samu 104:31) Mo lu iyakatelwa hahulu ka za mwa ikutwela Mulimu, ki mona mo lu ka konela hahulu ku lemuhela ze lu kona ku eza kuli lu tabise pilu ya hae.—5/15, makepe 4-7.

• Ki kabakalañi Davida ha n’a lumelelize musal’a hae Mikali ku ba ni siswaniso sa Terafimi?

Mulena Saule ha n’a lela ku bulaya Davida, Mikali a tusa Davida ku toba, ka ku beya siswaniso fa bulobalo mwendi se ne si bonahala inge mutu. N’a kana a bile ni terafimi kakuli na si ka isa pilu ya hae kaufela ku Mulimu. Davida mwendi n’a sa zibi kuli ku na ni terafimi yeo kamba n’a tuhelezi fela lika kakuli Mikali ne li mwan’a Mulena Saule. (1 Makolonika 16:25, 26)—6/1, likepe 29.

• Ki ifi tuto ye mutomo ye ne lutiwa mwa litaelo za Mulimu ka za mali?

Ku zwelela ku za n’a bulezi Mulimu hamulaho wa Munda, mwa Mulao wa Mushe ni mwa taelo ye kwa Likezo 15:28, 29, n’a supa kwa sitabelo se si ama ku sululwa kwa mali a Jesu. Ki ka mali ao fela lu kona ku swalelwa ni ku ba mwa kozo ni Mulimu. (Makolose 1:20)—6/15, makepe 14-19.

• Mwa Bibele ku bulezwi limakazo ze kai za Jesu?

Mwa litaba za Evangeli ku bulelwa za limakazo za Jesu ze 35. Kono ha ku si ka bulelwa palo tenyene ya limakazo za Jesu, ku kopanyeleza cwalo ni ze n’e si ka bihiwa. (Mateu 14:14)—7/15, likepe 5.