Muzamao O Munde U ‘Kutekisa Tuto ya Mulimu’

MUSIZANA ya bizwa Maria wa mwa Kransnoyarsk, kwa Russia, ki muopeli yo mutuna mi kacwalo bo muluti ba hae ba mu keta ku ba mwa kwaya ya sikolo. Hamulahonyana, Maria a atumela ka likute yo muñwi wa baluti ba hae kuli a mu taluseze kuli ha koni ku opelanga lipina ze ñwi. Kabakalañi? Kakuli lizwalo la hae le li lutilwe ka Bibele ne li sa mu lumelezi ku opela lipina za bulapeli. Ka ku komoka, bo muluti ba hae ba buza kuli, ‘Ku opelela Mulimu milumbeko ku fosahezi kai?’

Kuli a bonise libaka ha n’a si ke a opela pina ye bulela ka za Mulimu wa Silalu, Maria a apula Bibele ya hae ni ku talusa kuli Mulimu ni Jesu Kreste haki Mulimu a li muñwi, mi moya o kenile ki m’ata a Mulimu a sebeza. (Mateu 26:39; Joani 14:28; Likezo 4:31) Maria u li: “Bo muluti ne ba si ka ni shengoka. Fa sikolo sa luna lu na ni baluti ba bande. Ba bata kuli lu ikutwe ku lukuluha.”

Mwahal’a nako kaufela ya n’a li kwa sikolo, tumelo ya Maria ya mu kutekehisa kwa baluti ba hae ni kwa bana ba sikolo ba bañwi. Maria u li: “Likuka za Bibele za ni tusa mwa bupilo. Sikolo ha si to kwala, na fiwa mupuzo bakeñisa busepahali bwa ka ni makete, mi bashemi ba ka ba lumelwa liñolo ki sikolo la ku itumela ku bona kwa ku uta mwan’a bona hande.”

Maria n’a kolobelizwe ka la August 18, 2001. U li: “Ni ya tabile kuli ni sebeleza Mulimu yo munde hahulu, Jehova!” Lipaki za Jehova ba mikulwani lifasi kaufela ba sweli ku eza ze bulezwi kwa Tite 2:10, ko lu bala kuli: ‘Mu kutekise kai ni kai tuto ya Mulimu Mupilisi wa luna.’

[Siswaniso se si fa likepe 32]

Maria ni bashemi ba hae hamulaho wa kolobezo ya hae

[Siswaniso se si fa likepe 32]

Liñolo la buitumelo ni liñolo la bupaki