Kezahalo ya ku Hupula

KI KEZAHALO mañi yona yeo? Ki lifu la munna ya n’a shwile lilimo ze bat’o ba 2,000 kwamulaho k’o. N’a bulezi kuli: “Ni fa bupilo bwa ka, kuli ni bu nge hape.” Ha ku na mutu ya ni amuha bona; ni na ni mata a ku bu fa.” (Joani 10:17, 18) Munna yo ne li Jesu Kreste.

Jesu n’a laezi balutiwa ba hae ku hupula Kupuzo ya lifu la sitabelo sa hae. Kezahalo yeo hape i bizwanga “Silyela sa Mulena,” kamba “Mulalelo wa Mulena.” (1 Makorinte 11:20) Kupuzo ya n’a tomile Jesu ya ku hupula lifu la hae i ka hupulwa ki Lipaki za Jehova ni balikani ba bona la Bune, March 24, 2005, lizazi ha se li likezi.

Ngambolo ye tomile fa Bibele i ka talusa se si yemelwa ki sinkwa se si si ka ya mumela ni veine ye fubelu ye ka itusiswa ka nako ya kezahalo yeo. (Mateu 26:26-28) Ngambolo yeo hape i ka alaba lipuzo ze cwale ka ze: Bakreste ba swanela ku ezanga kezahalo yeo hakai? Ki bomañi ba ba swanela ku ca kwa liswanisezo, ili sinkwa ni veine? Ki bomañi ba ba tusiwa ki lifu la Jesu? Kezahalo ya butokwa ye i ka lu tusa kaufel’a luna ku itebuha mulelo wa bupilo ni lifu la Jesu.

Mu ka amuhelwa ka mazoho a mabeli kwa Kupuzo ya lifu la Jesu. Shangwe, mu buze Lipaki za Jehova ba ba mwa silalanda sa mina kuli mu zibe sibaka sa makopanelo ni nako.