Kota ya Nyuyele—Kana Ki Ya Sizo sa kwa Russia? Kana Ki Ya Sikreste?

“KWA makalelo a lilimo za ma-1830, kota yeo ye sa omi ne s’a ngiwa kuli ki ‘muhupulo wa ba kwa Germany o hoha mamelelo.’ Kwa mafelelezo a lilimo zeo, ne se ‘i li sizo’ mwa mandu a batu ba mayemo a pahami ba mwa St. Petersburg. . . . Mwa lilimo za ma-1800 . . . ki mwa mandu fela a baeteleli ba bulapeli ni mwa tutungu twa batu ba mayemo a kwatasi mo ne i sa fumanehi kota yeo ye sa omi. . . .

“Pili, kota yeo . . . ne i sa latiwi hahulu. Ku zibahala kwa yona sina sisupo sa lifu ni ku zamaelela kwa yona ni ‘tumelo ya balimu’ ka ku ya ka sizo sa Russia, hamohocwalo ni sizo sa ku toma yona kota yeo fa lituwa za mandu a ku nwela bucwala, ne ku shutana ni mibonelo ye ne s’e bile teñi mwa lilimo za mwahal’a ma-1800. . . . Kwa utwahala hande kuli ha ne si nze si amuhelwa, sizo seo ne si ka ba ni taluso ye swana ni ye ne fiwa kwa kota ya Ngilisimusi kwa Wiko, ili ku lumelelana luli ni taluso ya Ngilisimusi. . . .

“Ku fetula kota yeo kuli i be ya Sikreste ne si ko ku bunolo mwa Russia. Ne ku hanyelizwe ki keleke ya Orthodox. Baeteleli ba bulapeli ne ba iponezi ‘likezo za budimona’ kamba sizo sa sihedeni mwa mukiti o munca wo, ili ze ne sa lumelelani ni ku pepwa kwa Mupilisi, mi hape, sizo seo ne si simuluha kwa Wiko.”—Ka ku ya ka caziba Yelena V. Dushechkina, caziba wa za sayansi wa kwa St. Petersburg State University.

[Manzwi a bañi ba siswaniso fa likepe 32]

Siswaniso: Nikolai Rakhmanov