Memo. . .

Kana Mulimu Isali Yena Ya Busa Lifasi?

LIKOZI za ka taho, matuku a bulaya, bumutendasilya bwa bazamaisi, likelemi ze na ni businyi, lindwa ni bukebenga. I bata iba ka zazi ni zazi lu utwa makande a cwalo. Ibe kuli mwa kopana ni makayamana kamba kutokwa, matata ao a kona ku tisa kuli mu buze ka za ko li libile lifasi ni ka za haiba lika li ka ba hande muta o muñwi.

Kuli lu alabe lipuzo ze cwalo, Lipaki za Jehova mwa linaha ze fitelela 200 mwa lifasi kaufela ba ka ba ni ngambolo ya ka bunako ye na ni toho ya taba ye li: “Kana Mulimu Isali Yena Ya Busa Lifasi?” Ngambolo yeo i ka nyakisisa za bulela Mulimu ni ku sepisa mwa Linzwi la hae le li sepeha, yona Bibele, ka za lipuzo zeo ze latelela:

Kana Mulimu wa tabela litaba za batu fa lifasi?

U ikutwa cwañi ka za Batu?

Kana wa iyakatwa ka za buiketo bwa mina?

Mwa libaka ze ñata, ngambolo yeo i ka fiwa la Sunda, 30 April, 2006, kwa Ndu ya Mubuso ya Lipaki za Jehova. Lipaki ba mwa silalanda sa mina ba ka tabela ku mi bulelela nako ni sibaka ko i ka yo felwa ngambolo yeo.

Mwa memiwa ha mufutumala ku fumaneha kwa ngambolo ye sa lifelwi ye tomile fa Bibele ye ka mi fa kalabo ya niti kwa puzo ye li: Kana Mulimu Isali Yena Ya Busa Lifasi?