“Kana Mwa Ziba Libizo la Mulimu?”

PUZO ye ne i tabisize hahulu musali yo muñwi ya pila kwa mboela-wiko wa Central Asia. Yona puzo yeo kona ye ne li toho ya taba ya magazini ya Awake! ya January 22, 2004. Musali yo na ñolezi bahatisi ba Awake! kuli: “Ha ni to bona fela magazini ya mina, na kalisa ku i bala mi ne ni itutile likuka ze nde mwateñi. Cwale se ni na ni sepo ya za kwapili. Ni talusezanga batu kaufela ka za Mulimu wa luna ni kozo ye ba kona ku ba ni yona ha ba ituta ka za hae.”

Mwa linaha ze ñata, mane “ku isa kwa mafelelezo a lifasi,” batu ba sweli ba ziba libizo la Mulimu, Jehova. (Likezo 1:8) Ka mutala, libizo la Jehova le li tolokilwe sina Yehowa, li fumaneha hañata mwa Bibele ye mwa puo ye bulelwa kwa Turkey. Samu 8:1 mwa Bibele yeo i bala kuli: “Jehova Mulen’a luna, libizo la hao ki le lituna hahulu mwa lifasi kaufela!”

Kuli a itute ze ñata ka za Jehova Mulimu, musali yo na kupile broshuwa ya makepe a 32 ya Libizo La Bumulimu Le Li Ka Ina Kuya Ku Ile. Ni mina mwa kona ku ikupela broshuwa ye kwa Lipaki za Jehova.