Mikwa Ye Minde Ye Ba Swanela ku Ituta Banana

BO GLADYS ba sebeleza kwa sikolo se siñwi mwa Mendoza kwa Argentina. Zazi le liñwi ha ne ba zamaela bukaufi ni kilasi ya bana ba sikolo, ba lemuha kuli bo muluti ne ba balela baituti ba bona mwa Buka Ya Ka ya Makande a Bibele. * Bo Gladys ba itibahaza ku bo muluti kuli ki ba bañwi ba Lipaki za Jehova mi ba itakaleza ku ba bonisa mwa ku itusiseza hande buka yeo. Bo muluti ne ba tabisizwe hahulu ki ze ne ba bulezi bo Gladys, mi mane ba bata kuli buka yeo i be ye ñwi ya libuka ze ne ba ka itutanga bana ba sikolo. Kono kuli ba eze cwalo, ne ba tokwa ku lumelezwa ki ba tamaiso ya sikolo. Mi ba tabela hahulu ha ne ba lumelelizwe ku eza cwalo.

Fa lizazi la ku bala libuka, bo muluti ba fa muituti ni muituti wa bona ku balela bana ba sikolo ba bañwi kauhanyo i liñwi mwa Buka Ya Ka ya Makande a Bibele. Tukiso ye, ne i tabezwi hahulu ki sicaba kuli mane bo muluti ne ba kupilwe kuli ba boniswe fa TV ha ba nze ba buziwa ka za teñi. Ya na zamaisa tukiso ya fa TV a buza bo muluti kuli: “Mu ezanga cwañi kuli bana ba sikolo ba mina ba ikuteke?” Bo muluti ba talusa kuli ne ba itusisanga Buka Ya Ka ya Makande a Bibele. Mi ne ba talusize kuli nihaike kuli ne ba sa luti za bulapeli, ku itusisanga buka ye, ne ku tusize baituti ba bona ku ba ni likute, ku swalelana, ku swalisana, ku utwa ni ku ba ni lilato. Batu kaufela ne ba lumezi kuli yeo luli ki mikwa ye minde ye ba swanela ku ituta banana.

Kana mwa tabela ku luta bana ba mina mikwa ye cwalo? Mwa kona ku kupa hatiso ya Buka Ya Ka ya Makande a Bibele ku yo muñwi wa Lipaki za Jehova.

[Litaluso za kwatasi]