Libizo la Mulimu mwa Lipina za kwa Russia

KA 1877, muñoli wa lipina ya n’a tumile hahulu mwa Russia wa libizo la Modest Mussorgsky, n’a ñozi pina ye ne tomile fa taba ye ñwi ya mwa Bibele. N’a ñolezi mulikan’a hae kuli: “Ni ñozi pina ye li Jesus Navinus [Joshua] ye tomile fela fa litaba za mwa Bibele, mi mwa pina mo mane ni ñozi ni mwa n’a zamaile Joshua inze a tula macaba ku yo li ti mwa Kanana.” Mwa lipina ze ñwi za n’a ñozi ze cwale ka pina ye li, “Ku Bulaiwa kwa Senakeribi,” Mussorgsky n’a bulezi za litaba ni za batu ba mwa Bibele.

Taba ye komokisa kikuli mwa pina ya hae ye li, “Jesus Navinus,” ni mwa pina ya n’a ñozi ka 1874 ye li, “Ku Bulaiwa kwa Senakeribi,” Mussorgsky n’a ñozi libizo la Mulimu ka puo ya kwa Russia ili le li bonisizwe mwa Mañolo a Siheberu ka litaku z’e ne za יהוה (YHWH), mi libizo leo li fumaneha ibat’o ba ha 7,000 mwa Mañolo a Siheberu.

Kacwalo lipina zeo za Mussorgsky li bonisa kuli libizo le li mwa Bibele la Mulimu, lona la Jehova, ne li zibwa ki batu ba kwa Russia mane pili lilimo za ma 1900 li si ka fita kale. Taba yeo ha i komokisi kakuli yena Jehova ka sibili n’a bulelezi Mushe kuli: “Ki lona Libizo la ka la kamita, mi ka lona mu ka ni hupula mwa linako kaufela, ku ya ku ile.”—Exoda 3:15.

[Siswaniso se si fa likepe 32]

Muyaho mo ne ku itutelwa lipina mwa St. Petersburg ka 1913, ili mo ku bulukezwi lipina za Mussorgsky

[Manzwi a bañi ba maswaniso fa likepe 32]

Sheet music: The Scientific Music Library of the Saint-Petersburg State Conservatory named after N. A. Rimsky-Korsakov; street scene: National Library of Russia, St. Petersburg