Kana Mwa Hupula?

Kana mu ikozi ku bala limagazini za cwanoñu fa za Tawala ya Mulibeleli? Ha mu bone nji mwa kona ku alaba lipuzo ze tatama:

• Ki lingeloi lifi la naa lumile Mulimu kuli li etelele Maisilaele kwapili ha ne ba zwa mwa Egepita? (Ex. 23:20, 21)

Bupaki bwa mwa Bibele bu bonisa kuli lingeloi leo le ne li na ni ‘libizo la Jehova ku lona,’ ne li Mwanaa Mulimu wa mweli.—9/15, likepe 21.

• Ki lika mañi ze mu kona ku eza kuli mu tuse mutu ya kula?

Mu be bateelezi ba bande. (Muek. 3:1, 7) Mu mu utwele butuku mi mu mu utwisise. (Maro. 12:15) Mu be ba ba yahisa ni ba ba tusa. (Makolo. 4:6; 1 Joa. 3:18) Mu be bukaufi ni yena. (Liprov. 17:17)—10/1, makepe 10-13.

• Ki lika mañi ze ka mi tusa ku hulisa hande bana ba mina?

Mu tomele mwanaa mina “mutala” ka ku bonisa mikwa ye minde. (Joa. 13:15) Mu si ke mwa libelela ze tuna hahulu ku yena; ha nze a hula, mwa kona ku mu bonisa ze mu tokwa ku yena mwa litaba ze cwale ka bukeni, ku buluka nako, ni ku eza musebezi wa fiwa kwa sikolo. Mu mu fe litaelo ze tokwahala ilikuli mu mu lute ku peta hande buikalabelo bwa hae.—10/1, makepe 19-20.

• Ki afi a mañwi a mabaka a ku ikemela a ama bulapeli bwa niti, a sa amuhelangi Mulimu?

‘U taata hahulu. Ha ni tabeli ku u eza. Ni patehile hahulu. Ha ni koni ku u eza. Mutu yo muñwi naa ni foselize.’ Mabaka ao ha swaneli ku lu palelwisa ku mamela litaelo za Mulimu.—10/15, makepe 12-15.

• Ki lifi linzila ze ñwi ze mu kona ku tahisa ka zona kuli mikopano ya Sikreste i mi yahise ni ku yahisa ba bañwi?

Mu itukisezange cimo. Mu fumanehange kamita. Mu itahanelange. Mu shimbange ze tokwahala. Mu tokolomohange lika ze kona ku mi lyanganisa. Mu bange ni kabelo. Mu alabange ka bukuswani. Mu talelezange likalulo ze mu fiwa. Mu babazange ba ba bile ni kabelo. Mu ambolange ni ba bañwi pili mikopano i si ka kalisa kale ni hasamulaho wa yona.—10/15, likepe 22.

• Lu kona ku itutañi ku Aruni ya naa komilwe ki likukuezo ze ne zwa kwa Maisilaele ba bañwi?

Mushe ha naa siyo, Maisilaele ne ba susuelize Aruni kuli a ba ezeze mulimu. Aruni naa komilwe mi a eza ze ne ba bata. Taba yeo i bonisa kuli likukuezo ze zwa kwa litaka ha li amangi feela ba banca. Li kona ku ama nihaiba batu ba bahulu ba ba bata ku eza se si lukile. Lu swanela ku hana likukuezo ze maswe ze zwa ku ba bañwi.—11/15, likepe 8.