Kana Mwa Hupula?

Kana mu balile ka tokomelo limagazini za cwanoñu fa za Tawala ya Mulibeleli? Ha mu bone nji mwa kona ku alaba lipuzo ze tatama:

• Mulimu naa talusañi ha naa bulelezi Malivi kuli: “Sanda sa hao . . . ki Na”?

Lusika lo luñwi ni lo luñwi lwa Isilaele ne lu filwe kalulo ya naha sina sanda, kono “sanda” sa Malivi ne li Jehova. (Num. 18:20) Malivi ne ba si ka fiwa naha, kono ne ba filwe musebezi wa butokwa hahulu. Nihakulicwalo, Jehova naa ba babalezi. Kacenu, batu ba ba bata pili Mubuso ba kona ku ba ni sepo ya kuli ba ka fumana ze ba tokwa mwa bupilo.—9/15, makepe 7-8, 13.

• Mukreste u kona ku ziba cwañi haiba mifuta ye miñwi ya za ku itabisa ka zona ya tusa kamba ha i tusi?

Kuli Mukreste a zibe mufuta wa za ku itabisa ka zona ze tusa ni ze tabisa Mulimu, u tokwa ku ipuza kuli: Ki lika ze cwañi ze ni bata ku itabisa ka zona? Ni ka itabisa ka nako ye kuma kai? Ni ka itabisa ni bo mañi?—10/15, makepe 9-12.

• Taba ye ñozwi kwa liñolo la Liproverbia 7:6-23 i kona ku lu tusa cwañi kuli lu si ke lwa buha maswaniso a mapunu?

Taba yeo i lu bulelela ka za mutangana ya naa zamaya mwa sibaka se ne si zibahala kuli ne ku pila musali wa lihule. Musali yo naa mu yembuluzi ka kalole ka hae. Kacenu, lu swanela ku tokolomoha libaka za fa Intaneti ze na ni maswaniso a mapunu, mi ki kwa butokwa hahulu ku kupa tuso ku Mulimu pili lu si ka kena kale fa Intaneti.—11/15, makepe 9-10.