Ngambolo ye Ipitezi

Kozo ni Buiketo Sakata—Li ka ba Teñi Lili?

Ka lilimo ze ñata-ñata, batu ba likile ku bata kozo ni buiketo. Kono batu ba palezwi ku fumana kozo ya niti. Kabakalañi? Bibele i fa mabaka a mabeli a matuna ha ku bile hahulu taata ku fumana kozo. Hape i lu fa sepiso ye tabisa ye: Mulimu u sepisize ku tahiseza batu kozo ni buiketo sakata ze inelela mwa lifasi kaufela.

Kozo ni buiketo ze, li konahala cwañi mi li ka ba teñi lili? Kiñi ze mu tokwa ku eza kuli mu yo ikola ku pila mwa miinelo ye minde ye? Lipuzo ze li ka alabiwa mwa ngambolo ya nyangela ye li, “Kozo ni Buiketo Sakata—Li ka ba Teñi Lili?” Ngambolo ye tomile fa Bibele ye i ka fiwa mwa lifasi kaufela mwa linaha ze fitelela 230. Mwa libaka ze ñata i ka felwa mwa Ndu ya Mubuso ya Lipaki za Jehova ya mwa silalanda se mu pila ku sona la Sunda, April 18, 2010. Lipaki za Jehova ba mwa silalanda sa mina ba ka tabela ku mi zibisa nako ni sibaka ko i ka yo felwa. Mwa memiwa ku yo fumaneha teñi.