Ku ba Banca

Mushe U Amuhela Musebezi O Ipitezi

Litaelo: Mu ezeze lika ze latelela ze, mwa sibaka se si kuzize. Ha mu nze mu bala mañolo, mu nge kuli mu yemi bukaufi. Mi mu eze inge kuli mwa bona ze sweli ku ezahala. Mu utwe manzwi a bulelwa. Mu ikutwe mo ba ikutwela batu ba ba mwa taba yeo. Mu ikutwe kuli ze mu bala li sweli za ezahala luli.

Batu ba ba mwa taba mo: Jehova Mulimu ni Mushe

Taba ka bukuswani: Jehova u fa Mushe musebezi wa ku etelela sicaba sa Isilaele ku zwa mwa Egepita.

1 MU NYAKISISE ZE EZAHALA.—MU BALE EXODA 3:1-14; 4:1-17.

Mu taluse mo ne si bonahalela sicacani se ne si tuka mulilo, ha mu nze mu si bona mwa pono.

Ka ku ya ka Exoda 3:4, mu nahana kuli Mushe naa bonahalile cwañi, mi linzwi la hae ne li utwahalile cwañi ha naa utwile Mulimu inzaa bulela ni yena?

Mu nahana kuli Mushe u ikutwa cwañi ha nzaa buza Jehova lipuzo ze kwa liñolo la Exoda 3:11, 13 ni Exoda 4:1,10?

2 MU BATISISE KA BUTUNGI.

Ka ku itusisa liitusiso ze mu na ni zona za ku ezisa patisiso, mu batisise ka za pulelo ye li, “Na, ki Na Yaliteñi.” (Exoda 3:14) Ki kabakalañi Jehova ha naa alabile cwalo, Mushe ha naa mu buzize libizo la Hae? *

 Mu nahana kuli kiñi Mushe ha naa zina-zina ku yo ambola ni Faro? (Kuli mu fumane kalabo: Mu bale Numere 12:3.)

Ki kabakalañi Mushe ha naa zina-zina ku yo ambola ni Maisilaele ba bañwi?

3 MU SEBELISE ZE MU ITUTILE. MU ÑOLE LIKA ZE MU ITUTILE KA ZA . . .

Mukwa o ba na ni ona batu wa ku sa isepa.

Mwa mi sepezi Jehova ni buikoneli bwa mina.

ZE ÑWI HAPE ZE LU KONA KU ITUTA.

Ki mwa likalulo lifi za bupilo bwa mina mo mu si na buisepo?

Ki ka linzila lifi zeo Jehova Mulimu a kona ku itusisa mina ku si na taba ni mapalelwi e mu na ni ona?

4 KI KALULO MAÑI YA TABA YE, YE MI TUSIZE HAHULU, MI KI KABAKALAÑI?

Haiba ha mu na Bibele, mu kupe Lipaki za Jehova Kamba mu Kalime

[Litaluso za kwatasi]