“Mu Babalele Pilu Ya Mina!” Mukopano Wa Sikiliti Wa Lipaki Za Jehova Toho Ya Taba Ya Lizazi La Pili
“Mu Babalele Pilu Ya Mina!” Mukopano Wa Sikiliti Wa Lipaki Za Jehova Toho Ya Taba Ya Lizazi La Pili
TOHO YA TABA YA LIZAZI LA PILI
‘Jehova, Yena, U Talima Pilu’—1 SAMUELE 16:7.
TOHO YA TABA YA LIZAZI LA BUBELI
“Mulomo U Bulela ze Tezi Mwa Pilu”—MATEU 12:34.
TOHO YA TABA YA LIZAZI LA BULAALU
‘Mu Sebeleze Jehova ka Pilu ya Mina Kaufela’—1 MAKOLONIKA 28:9.
Mwa Bibele linzwi la pilu li fumaneha ibato ba ha sikiti. Hañata Mañolo ha bulelanga ka za pilu a talusanga pilu ya swanisezo. Pilu ya swanisezo ki nto mañi? Pulelo yeo i kona ku talusa mwa inezi mutu wa mwahali ili mihupulo, maikuto mane ni za lakaza ku eza.
Ki kabakalañi ha lu swanela ku babalela pilu ya luna ya swanisezo? Mulimu naa susuelize Mulena Salumoni ku ñola kuli: “Babalela pilu ya hao ku fita lika kaufela, kakuli ku yona ki fo ku zwa liwelu-welu la bupilo.” (Liproverbia 4:23) Bupilo bwa luna bwa cwale kamba bwa kwapili bu itingile ka mo i inezi pilu ya luna ya swanisezo. Ki kabakalañi? Kabakala kuli Mulimu wa bona ze mwa pilu ya luna. (1 Samuele 16:7) Mwa lu ngela Mulimu ku itingile ka mwa inezi “mutu wa mwahali, wa mwa pilu” ya luna.—1 Pitrosi 3:4.
Lu kona ku babalela cwañi pilu ya luna? Kalabo ya puzo ye, i ka yo nyakisiswa kwa mikopano ye ba ka ba ni yona Lipaki za Jehova mwa lifasi kaufela ku kala ka kweli ya August. Mwa memiwa ku yo fumaneha kwa mukopano wo wa mazazi a malaalu. * Ze mu ka yo ituta li ka mi tusa ku eza ka nzila ye ka tabisa pilu ya Jehova Mulimu.—Liproverbia 27:11.
[Litaluso za kwatasi]
^ para. 10 Kuli mu zibe mukopano o ka bela bukaufi ni mina, mu bone fa sibaka sa luna sa fa Intaneti sa www.pr418.com. Hape mwa kona ku buza Lipaki za Jehova ba ba mwa silalanda sa mina kamba ku ñolela bahatisi ba magazini ye.
[Manzwi a bañi ba siswaniso fa likepe 32]
Siswaniso se si kwa bulyo: Aus dem Fundus der MÜNCHNER OLYMPIAPARK GMBH, München
