Likalabo Kwa Lipuzo za Bibele
Banana ba kona ku ituta cwañi ku lata Mulimu?
Mu lute bana ba mina litaba za pupo, kuli mu ba tuse ku ziba Mulimu ni ku mu lata
Bana ba mina ba kona ku ituta ku lata Mulimu, ibile feela ba ba ni bupaki bwa kuli u teñi ni kuli wa ba lata. Mi kuli bana ba mina ba late Mulimu, ba tokwa ku mu ziba. (1 Joani 4:8) Ka mutala, ba tokwa ku ziba likalabo kwa lipuzo ze latelela: Ki kabakalañi Mulimu ha naa bupile batu? Ki kabakalañi Mulimu ha tuhelezi manyando ku ba teñi? Mulimu u ka ezezañi batu kwapili?—Mu bale Mafilipi 1:9.
Kuli mu tuse bana ba mina ku lata Mulimu, mu tokwa ku ba bonisa kuli ni mina mwa lata Mulimu. Ha se ba boni kuli mwa lata Mulimu, ni bona ba ka latelela mutala wa mina.—Mu bale Deuteronoma 6:5-7; Liproverbia 22:6.
Mu kona ku fita cwañi bana ba mina kwa lipilu?
Linzwi la Mulimu li na ni maata. (Maheberu 4:12) Kacwalo, mu tuse bana ba mina ku ituta lituto za mwa Bibele za matatekelo. Kuli a fite batu kwa lipilu, Jesu naa buzanga lipuzo, ku teeleza, ni ku talusa Mañolo. Mu tokwa ku likanyisa mulutelo wa Jesu kuli mu fite bana ba mina kwa lipilu.—Mu bale Luka 24:15-19, 27, 32.
Ku tuha fo, litaba za mwa Bibele ze bulela ka mo Mulimu naa ezezanga batu, za kona ku tusa banana ku ziba Mulimu ni ku mu lata. Lihatiso ze lukiselizwe ku tusa banana ku lata Mulimu, za fumaneha fa Webusaiti ya www.pr418.com/loz.—Mu bale 2 Timotea 3:16.
Hape Mwendi Mwakona Kutabela Litaba Ze
BANANA
Mube Mulikanaa Jehova
Mavidio a tudoli, lipina, ni maswaniso abonisa lika za kueza zakona kuluta bana bamina lituto za butokwa ni kubatusa kuziba mwakutabiseza Mulimu.
TAWALA YA MULIBELELI
Mwa ku Lutela Banana ka za Mulimu—Ki Milutelo ifi ye Sebeza Hande?
LIBUKA NI LIBROSHUWA
