Likalabo Kwa Lipuzo za Bibele
Kana lwakona kuziba niti ka za Mulimu?
Ki Kabakalañi Mulimu Habata Kuli Luzibe Niti? Mubale Joani 17:3
Mulimu naambolanga ni batu. Naaitusisize moya wahae okenile kamba maata a itusisa kwa kupeta milelo yahae, kuli akenye mihupulo yahae mwa minahano ya bañoli ba Bibele. (2 Pitrosi 1:20, 21) Lwakona kuziba niti ka za Mulimu ka kuituta Bibele.—Mubale Joani 17:17; 2 Timotea 3:16.
Mulimu utalusize lika zeñata hahulu ka za hae mwa Bibele. Utalusize ka mwanaabupezi batu, zaaka ezeza batu, ni mwabatela kuli lupilele. (Likezo 17:24-27) Jehova Mulimu ubata kuli luzibe niti ka zahae.—Mubale 1 Timotea 2:3, 4.
Ki kabakalañi Mulimu halata batu babalata niti?
Jehova ki Mulimu wa niti, mi naalumile Mwanaa hae yena Jesu, kuto luta batu niti. Kacwalo, batu babalata niti batabela kuba balateleli ba Jesu. (Joani 18:37) Mulimu ubata kuli batu babacwalo babe balapeli bahae.—Mubale Joani 4:23, 24.
Satani Diabulosi utahisize kuli batu babañata basike baziba Mulimu ka kuhasanya lituto za buhata ka za Mulimu. (2 Makorinte 4:3, 4) Batu babasa lati lika zende batabiswa hahulu ki lituto za buhata zeo. (Maroma 1:25) Kono batu babañata ba lipilu zende bona basweli kuituta Bibele ilikuli bazibe niti ka za Mulimu.—Mubale Likezo 17:11.
Hape Mwendi Mwakona Kutabela Litaba Ze
KA ZA LUNA
Ki Kabakalañi ha lu Swanela ku Ituta Bibele?
Bibele i sweli ku alaba lipuzo za butokwa hahulu ze ba sweli ku buza batu ba bañata-ñata mwa lifasi kaufela. Kana mwa tabela ku ba yo muñwi wa batu bao?
