Batu babañata banahana kuli hakuna kuba ni tatululo kwa miinelo yetaata yebaka kopana ni yona batu mwa 2024. Niteñi, lwakona kuba ni sepo ya kuli lika likaba hande kwapili. Lukona kuifumana kai?

 Bibele ilusepisa kuli Mulimu ukafelisa miinelo yetaata kaufela yelukopana ni yona kacenu. Honacwale-cwale fa, Mulimu “ukatakula miyoko kaufela kwa meeto [aluna], mi lifu halisana kubateñi, nihaiba kutahelwa ki maswabi kamba kulila kamba kuutwa butuku.”—Sinulo 21:4.

•   Kuli muitute zeñata ka za lisepiso za mwa Bibele zebulela ka za zekaezahala kwapili, mubale taba yeli, “A Real Hope for a Better Tomorrow.”

 Bibele ilufa sepo ya lika zende zekaezahala kwapili yekona kulutusa kusaba ni maikuto amaswe ni kuba ni mubonelo omunde ka za bupilo. (Maroma 15:13) Likelezo zende za mwa Bibele hape zakona kulutusa kutiyela miinelo yetaata yelukona kukopana ni yona kacenu, yecwale ka bubotana, katulo yesika luka ni makulanu.

•   Mubone mo sepo ya mwa Bibele neituselize muuna yomuñwi kufumana kozo ni tabo kusina taba kuli naahulezi mwa lubasi lolushebile. Mubuhe vidio yeli, Bo Juan Pablo Zermeño: Jehova Unitusize Kupila Bupilo Bobunde.

•   Mubone mo Bibele ikona kumituseza hamuikutwa mulatu, bulutu, hamunani lipilaelo, ni hamushwelwa ki mutu yemulata. Mubale taba yeli, “Kana Nakona Kufumana Manzwi Aomba-Omba Mwa Bibele?”

•   Mubone mo musali yanaabile lisole ka nako yetelele ili yanaa ipulezi kuli naali “mutu yataata ni yanaasaisi pilu batu babañwi” naafumanezi sepo kabakala zanaaitutile mwa Bibele. Mubuhe vidio yeli, I Put Down My Rifle.

 Mueze lika zekatahisa kuli silimo sa 2024 sibe silimo sesinde ku mina ni lubasi lwamina. Muitute zeñata ka za moikona kumituseza Bibele. Muamuhele tuto yaluna ya Bibele yesalifelwi kuli muitutange ni mutu yomuñwi. Muitute mo Mulimu akona kumituseza kuba ni “mihupulo ya kozo” ka nako ya cwale hamoho cwalo ni “bupilo bobunde kwapili, ni sepo.”—Jeremia 29:11.