MUZWELEPILI KUTONA!
Bakreste Baikenya Mwa Ndwa—Bibele Ibulelañi fa Taba Yeo?
Sina mose lubonezi mwa ndwa yesweli kulwaniwa kwa Ukraine, baeteleli ba bulapeli bwa Sikreste basweli kususueza batu kuikenya mwa ndwa. Mulemuhe mo baeteleli ba bulapeli basweli kuyemela linaha zepeli zeitwanisa zeo:
“Lufitisa likute lelituna ni buitumelo kwa lindwalume zaluna kaufela zesweli kulwanela naha yabona ya Ukraine kwa lila . . . Kamita lwamiisa pilu, lwamilapelelanga, ni kumiyemela.”—Metropolitan Epiphanius I wa mwa Kyiv, sina mone kubihezwi mwa mutende wa The Jerusalem Post, la March 16, 2022.
“La Sunda, Mueteleli wa Keleke ya Russian Orthodox naazamaiselize masole ba Russia sebelezo ili koo naabasusuelize kulwanela naha yabona kakuli ‘ki bona feela babakona kueza cwalo,’ masole ba Russia habanze bazwelapili kutaseza naha ya Ukraine.”—Mutai wa makande obizwa Reuters, la April 3, 2022.
Kana Bakreste baswanela kuikenya mwa ndwa? Bibele ibulelañi fa taba yeo?
Zeibulela Bibele
Bibele ibonisa kuli balateleli ba niti ba Jesu Kreste habaikenyangi mwa ndwa.
“Kutisa mukwale wahao mwa sipusu saona, kakuli kaufela babaitusisa mukwale bakabulaiwa ka mukwale.”—Mateu 26:52.
Kana mutu yayemela ndwa kamba kulwana mwa ndwa wamamela manzwi a Jesu?
“Nimifa mulao omunca, wa kuli mulatane; sina moni milatezi, mulatane cwalo ni mina. Batu kaufela bakaziba kuli mu balutiwa baka ka taba ye—haiba mulatana mwahalaa mina.”—Joani 13:34, 35.
Kana mutu yayemela ndwa ubonisa mufuta wa lilato lanaabulezi Jesu kuli nelika zibahaza balutiwa bahae kamba balateleli bahae?
Kuli muzibe litaba zeñata, mubale taba ya sikuwa yeli, “Is War Compatible With Christianity?”
Bakreste baikenya mwa ndwa kacenu
Kana ki swanelo kuli Bakreste basike baikenya mwa lindwa kacenu? Eni. Bibele neibulelezi cimo kuli mwa linako zaluna, ili linako zebizwa “mazazi a maungulo,” nekukaba ni batu babazwa mwa linaha kaufela bane basike ‘baituta ndwa,’ kulumelelana ni lituto za Jesu.—Isaya 2:2, 4, litaluso za kwa mafelelezo.
Kuli muzibe zeñata, mubale litaba za mwa Tawala ya Mulibeleli zenani toho ya taba yeli, “Mulimu Uunga Cwañi Lindwa?”
Hona cwale-cwale fa Jehova, a “Mulimu wa kozo,” ukaitusisa mubuso wahae wa kwa lihalimu kulamulela batu “kwa buhateleli ni kwa mifilifili.”—Mafilipi 4:9; Samu 72:14.
Kuli mubone mwakaezeza cwalo, mubuhe vidio yeli, Mubuso wa Mulimu ki Nto Mañi?
a Jehova ki lona libizo la Mulimu.—Samu 83:18.
Hape Mwendi Mwakona Kutabela Litaba Ze
MUZWELEPILI KUTONA!
Zeibulela Bibele ka za Bulapeli Bobuikenyize Mwa Ndwa Yeezahala Kwa Ukraine
Baeteleli ba likeleke za mwa Russia ni Ukraine baikenyize mwa litaba za ndwa, ili kushutana ni litaba zanaalutile Jesu kwa balutiwa bahae.
LITUTO ZA BUTOKWA ZA MWA BIBELE
Ki Kabakalañi Mulimu Hatuhelezi Manyando?
Batu babañata baipuzanga ka za libaka mwa lifasi hakunani hahulu sitoyo ni manyando. Bibele ilufa kalabo yekolwisa ili yeomba-omba.
MUZUHE!
Zeibulela Bibele ka za Ndwa
Mwa linako za kwamulaho, Maisilaele nebalwananga lindwa ka libizo la Mulimu wabona, Jehova. Kana Mulimu wayemelanga sikwata sesiñwi mwa lindwa kacenu?
