Surasak Suwanmake/Moment via Getty Images
MUZWELEPILI KUTONA!
Kucisa Hahulu Mwa Lifasi Kaufela ka Nako ya Mbumbi ya Silimo sa 2023—Bibele Ibulelañi fa Taba Yeo?
Mwa lifasi kaufela batu basweli kutiyela muinelo wa kucisa hahulu kokusikaba kale teñi mwa lifasi ni likozi zeñwi zetahiswa ki kucisa hahulu. Mulemuhe lipiho zelatelela:
La July 13, 2023, ba Katengo ka National Oceanic and Atmospheric Administration ni ba Liluko la U.S. Department of Commerce nebabulezi kuli: “Mwa kweli ya June silimo se, kucisize hahulu kufita mone kuciseza kuzwa nako yene bakalile batu kupimanga mufutumala wa lifasi, ili lilimo ze 174 kwamulaho.”
La July 13, 2023, Kopano ya European Space Agency neibulezi kuli: “Kwa Italy, Spain, France, Germany ni Poland kucisize hahulu kuli mane kuakalezwa kuli mufutumala wa fa sioli sa Sicily ni sa Sardinia utuha ufita fa 48°C [118°F]. Mi lo kona lwapili kucisa hahulu cwalo mwa Europe.”
La July 17, 2023, bo Stefan Uhlenbrook, baeteleli babatalima za mezi mwa kopano ya World Meteorological Organization nebabulezi kuli: “Mufutumala wa lifasi haunze uzwelapili kuekezeha, lulibelela kuli kukaba ni pula yeñata hahulu ili yekatahisa kuli kube ni muunda mwa libaka zeñata.”
Kana kuekezeha kwa lipiho za kucisa hahulu kwa mibilaeza? Munyakisise zeibulela Bibele ka za taba ya butokwa ye.
Kana kucisa hahulu kutaleleza bupolofita bwa mwa Bibele?
Eni. Kucisa hahulu mwa lifasi kaufela ni mifuta yemiñwi ya mayemo a lihalimu litaleleza bupolofita bwa mwa Bibele bobulela za lika zeneka ezahala mwa linako zaluna. Ka mutala, Jesu naapolofitile kuli lukabona “lika zesabisa,” kamba “lika zekomokisa.” (Luka 21:11; Bibele ya Good News Translation) Kucisa hahulu kokusweli kuekezeha kutahisize kuli batu babañata banahane kuli lifasi likasinyiwa ki batu.
Kana lifasi likasinyiwa?
Batili. Mulimu naabupile lifasi kuli lupile mwateñi; haana kulumeleza batu kuli balisinye. (Samu 115:16; Muekelesia 1:4) Mane usepisize kuli ukasinya “babasinya lifasi.”—Sinulo 11:18.
Bibele ibonisa kuli Mulimu wakona kusileleza lifasi kwa lika zekona kulisinya mi ukaeza cwalo luli.
“[Mulimu] uombalisa liñungwa; mandinda a liwate akuza.” (Samu 107:29) Mulimu unani maata akuzamaisa lika ze mwa pupo. Wakona kutatulula butata bobutahisa kuli batu banyande kabakala kucisa hahulu.
“Ubabalela lifasi, utahisa kuli libeye hahulu mi walinunisa hahulu.” (Samu 65:9) Mulimu ukatahisa kuli lifasi libe paradaisi.
Kuli muitute zeñata ka za sepiso ya mwa Bibele yebulela ka za lifasi lelinca, mubone taba yeli, “Who Will Save the Earth?”
Hape Mwendi Mwakona Kutabela Litaba Ze
LIKALABO KWA LIPUZO ZA BIBELE
Kana Lifasi Likasinyiwa?
Bibele italusa hande mulelo wa Mulimu ka za pulaneti yaluna.
LITUTO ZA BUTOKWA ZA MWA BIBELE
Mulimu Naabupeziñi Lifasi?
Lifasi laluna litezi lika zende. Nelibeilwe buhule bobuswanela kuzwa kwa lizazi, lisikamisizwe ka nzila yeswanela, mi lipotoloha ka lubilo loluswanela. Ki kabakalañi Mulimu hanaaikatalize kubupa lifasi?
KA ZA LUNA
Mukupe Kuli Mutu Yomuñwi Ato Mipotela
Munyakisise puzo yeñwi ka za taba ya mwa Bibele, kamba muitute zeñata ka za Lipaki za Jehova.
