MUZWELEPILI KUTONA!
Palo ya Lifolofolo Ikutezi Fafasi ka 73 Pesenti Kacenu Kufita Fone Lifita Mwa Lilimo ze 50 Zefelile—Bibele Ibulelañi fa Taba Yeo?
La October 9, 2024, ba World Wildlife Fund nebafile piho yebilaeza hahulu yebonisa mo batu banyandiseza lifolofolo. Piho yeo neibonisize kuli “mwa lilimo ze 50 zefelile (kuzwa 1970 kuto fita mwa 2020), palo ya lifolofolo ikutezi fafasi ka avareji ya 73%.” Piho yeo neiekelize kubulela kuli: “Kwaiponahalela hande kuli lika zekaezahala mwa lilimo zeketalizoho zesataha ki zona zeka lutusa kuziba mobukabela bupilo fa Lifasi.”
Kwautwahala batu babañata haba komokiswanga ki lipiho zecwalo. Lwalata lifasi laluna lelinde mi halutabeli kubona lifolofolo ze mwateñi halinyanda. Luikutwa cwalo bakeñisa kuli Mulimu naabata kuli lubabalele lifolofolo.—Genese 1:27, 28; Liproverbia 12:10.
Kacwalo mukana mwaipuza kuli, ‘Kana lukakona kubukeleza bupilo bwa lifolofolo fa lifasi? Bibele ibulelañi fa taba yeo?’
Sepo ya lika zende kwapili
Kusina taba ni buikatazo bolueza bwa kusileleza lifolofolo, Mulimu ki yena feela yakona kuliseleleza ka kutala. Kwa Sinulo 11:18, Bibele neipolofitile kuli Mulimu ‘ukasinya babasinya lifasi.’ Timana yeo iluluta lika zepeli:
1. Mulimu uka tuhelisa batu kusinya lifasi.
2. Mulimu ukaanga muhato hona cwale-cwale fa. Luziba cwañi cwalo? Lwaziba cwalo bakeñisa kuli kacenu batu babulaya hahulu lifolofolo kufita lili kaufela.
Ki lika mañi zakaeza Mulimu kuli atatulule butata bo? Ukaitusisa mulonga wa kwa lihalimu kamba mubuso wahae, kubusa lifasi kaufela. (Mateu 6:10) Mulonga wo ukaluta batu mwa kubabalelela ni kusileleza lifolofolo mwa lifasi.—Isaya 11:9.
Hape Mwendi Mwakona Kutabela Litaba Ze
LITUTO ZA BUTOKWA ZA MWA BIBELE
Mulimu Naabupeziñi Lifasi?
Lifasi laluna litezi lika zende. Nelibeilwe buhule bobuswanela kuzwa kwa lizazi, lisikamisizwe ka nzila yeswanela, mi lipotoloha ka lubilo loluswanela. Ki kabakalañi Mulimu hanaaikatalize kubupa lifasi?
LIKALABO KWA LIPUZO ZA BIBELE
Kana Lifasi Likasinyiwa?
Bibele italusa hande mulelo wa Mulimu ka za pulaneti yaluna.
LITUTO ZA BUTOKWA ZA MWA BIBELE
Mubuso wa Mulimu ki Nto Mañi?
Mwa bukombwa bwahae kaufela, Jesu naalutile hahulu za Mubuso wa Mulimu kufita taba ifi kamba ifi. Balateleli bahae base balapezi ka lilimo-limo kuli Mubuso wo utahe.
KA ZA LUNA
Mukupe Kuli Mutu Yomuñwi Ato Mipotela
Munyakisise puzo yeñwi ka za taba ya mwa Bibele, kamba muitute zeñata ka za Lipaki za Jehova.
