MUZWELEPILI KUTONA!
Mifilifili Yetiswa ki ba Lipolitiki—Bibele Ibulelañi fa Taba Yeo?
Batu ba lipolitiki batisa mifilifili ili nto yetahisa kuli batu mwa lifasi kaufela bapile ka sabo.
Kubulaiwa kwa batu ba 39 bane bayemi mwa liketisa mwa Mexico, ili palo yetuna ka kufitisisa ya batu babakile babulaiwa ka nako ya liketisa, hamohocwalo ni mifilifili yemiñwi, kukomokisize hahulu batu mi kutahisize kuli basike baabana ka kutala mwa liketisa za 2023-2024.
Cwanoñu fa, mwa Europe kubile ni mifilifili ya lipolitiki yemiñata kubeya cwalo ni kubata kubulaiwa kwa prime minister wa kwa Slovakia la May 15, 2024.
Batu ba mwa United States bakomokisizwe hahulu ki kubata kubulaiwa kwa Mutompehi Donald Trump yanaabanga mueteleli wa naha ya United States la July 13, 2024.
Ki kabakalañi hakunani hahulu mifilifili ya lipolitiki? Kana ikafeliswa nako yeñwi? Bibele ibulelañi fa taba yeo?
Bibele neipolofitile kuli batu nebasike bautwana kabakala lipolitiki
Bibele neipolofitile kuli mwa linako zaluna, zona linako zeibiza Bibele kuli “mazazi a mafelelezo,” batu nebakaba ni mikwa yeneka tahisa mifilifili ni kusalumelelana.
“Mwa mazazi a mafelelezo kukataha linako zetaata, zeziyeza. Kakuli batu bakaba . . . babasina buitumelo, babasa sepahali, . . . babañañelela mihupulo yabona, . . . bababuhali, . . . babeteki, ba muñañatoho, babaitundumuna ka buikuhumuso.”—2 Timotea 3:1-4.
Bibele hape neipolofitile kuli mwa linako zaluna hape nekukaba ni lika zecwale ka bukwenuheli ni mifilifili ya lipolitiki. (Luka 21:9, litaluso ze kwatasi) Niteñi, mifilifili ya lipolitiki ni kusaswalisana halina kuzwelapili kuba teñi.
Moika felisezwa mifilifili ya lipolitiki
Bibele ibulela kuli Mulimu ukafelisa mibuso ya batu kaufela ka kuitusisa mubuso wahae watomile kwa lihalimu.
‘Mulimu wa lihalimu ukatoma mubuso okatuba ni kufelisa mibuso ye kaufela, mi ki ona feela okaba teñi kuya kuile.’—Daniele 2:44.
Mubuso wa Mulimu ukatahisa swalisano mwahalaa batu mi batu mwa lifasi kaufela bakapila ka kozo.
Mubusi wa Mubuso wo, yena Jesu Kreste, ubizwa kuli ki “Nduna wa Kozo,” mi ukabona teñi kuli “kozo haina kufela.”—Isaya 9:6, 7.
Nihaiba ka nako ya cwale, batu bababusiwa ki Mubuso wo, balutiwa mobakona kupilisanela ka kozo. Ki lona libaka, Bibele haibulela kuli: “Bakatula mikwale yabona kuieza malimi a likekele mi bakatula malumo abona kuaeza licekesi. Sicaba hasina kulwanisa sicaba sesiñwi ka mukwale, mi habasana kuituta ndwa.”—Isaya 2:3, 4.
Kuli muzibe zeñata, mubale taba yeli, “What Will God’s Kingdom Accomplish?” mi mubuhe vidio yeli, Mubuso wa Mulimu ki Nto Mañi?
Hape Mwendi Mwakona Kutabela Litaba Ze
TAWALA YA MULIBELELI
Mubuso wa Mulimu Ukaezañi?
Jesu naaziba kuli Mubuso wa Mulimu ki ona feela okafelisa miinelo yetaata fa lifasi. Ki lika mañi zese upetile Mubuso wo zelutusa kuba ni sepo?
MUZWELEPILI KUTONA!
Batu Habasa Sepa Baeteleli ba Lipolitiki—Bibele Ibulelañi fa Taba Yeo?
Bibele ilususueza kuli lutokomele batu bolusepa mi ibulela ka za mueteleli yakatahisa kuli lika libe hande kwapili ili yelukona kusepa.
MUZWELEPILI KUTONA!
Ki Kabakalañi Litaba za Bupolitiki Halikauhanya Hahulu Batu?—Bibele Ibulelañi fa Taba Yeo?
Litaba za bupolitiki likauhanya hahulu batu mwa lifasi kaufela. Bibele italusa zeka tatulula butata bo, kuli ki mubusi yakatahisa kuli batu kaufela baswalisane.
TAWALA YA MULIBELELI
