Kacenu, kunani batu babato ba 70 milioni babali bosusu mwa lifasi kaufela, mi buñata bwabona baitusisa lipuo za bosusu zefitelela 200. Ka bumai, batu babali bosusu habaezwangi hande ki batu babañwi, sina moliboniseza lipiho zelatelela:

•   Kopano ya National Association of the Deaf ya kwa United States ibiha kuli: “Mwa lifasi kaufela, liswanelo za bosusu ni za batu babasa utweli fakaufi hañata batu habaliisezangi pilu.”

•   Kopano ya World Federation of the Deaf ibiha kuli: “Batu babali bosusu mwa linaha zezwezipili ki babañwi ba batu babashebile hahulu mwa lifasi bakeñisa kuli kutaata hahulu ku bona kuli bakene sikolo, kufumana musebezi ni kufumana litaba ka za zeezahala mwa lifasi.”

 Mulimu uikutwa cwañi ka za batu babali bosusu? Bibele ibulelañi ka za batu babali bosusu? Mi Lipaki za Jehova batusa cwañi batu babali bosusu kacenu?

Mulimu Mwaangela Batu Babali Bosusu

 Bibele ibulela kuli Jehova a Mulimu waisa pilu batu babali bosusu. Ubata kuli baeziwe hande ni kuli batusiwe ki lituto zafa.

 Liñolo: “Usike walwaha susu.”—Livitike 19:14.

 Liñolo: “Mulimu haketululi.”—Likezo 10:34.

 Liñolo: “Jesu azamaya . . , [inze akutaza] taba yende ya Mubuso.”—Mateu 9:35.

 Liñolo: Mane Jesu naatahisize kuli “bo susu bautwe ni kuli limumu libulele.”—Mareka 7:37.

 Liñolo: “Mazebe a bo susu akatibululwa.”—Isaya 35:5.

 Taluso: Jehova naapolofitile kuli bosusu bakautwa.—Isaya 29:18.

Mo Lipaki za Jehova Basweli Kutuseza Batu Babali Bosusu Kacenu

 Lipaki za Jehova kacenu bakutaza lushango lwa Mulimu lolutusa batu kuba ni sepo kwa batu babali bosusu mwa lifasi kaufela. Ki lika mañi zelusweli kueza kuli musebezi wo upetiwe? Luzwisanga Libibele ni mavidio a lituto za mwa Bibele mwa lipuo za bosusu zefitelela 100. Hape lwabanga ni lituto za Bibele ni mikopano ya Sikreste mwa puo ya bosusu. Batu kaufela bababata kutusiwa ki Mulimu bakona kufumana lika ze kaufela basatokwi kulifa sesiñwi. Libaka? Kakuli Jesu naalaezi kuli: “Mufilwe feela, ni mina mufane feela.”—Mateu 10:8.

 Mwakona kufumana lika ze fa Intaneti kamba kuikungela zona fa kapangaliko kamina ka kuitusisa linzila zelatelela:

 Fa webusaiti ya JW.ORG. Musine fa kasupo kakabonisa lipuo fahalimu a likepe lifi kamba lifi la fa webusaiti kuli mufumane taba yemubata mwa puo ya bosusu yemubata.

 App ya JW Library Sign Language. Mubeye app ye fa kapangaliko kamina, mi mukakona kuikungela kamba kubuha mavidio mwa puo ya bosusu.

Ki Lika Mañi Zeluitusisanga Kwa Kuluta Batu Babali Bosusu Bibele?

 Bibele ya mwa puo ya bosusu. Bibele ya Toloko ya Lifasi Lelinca ya mwa puo ya bosusu ya kwa America neli yona Bibele yapili yekwanile kuzwiswa mwa lifasi kaufela. Bibele ya Toloko ya Lifasi Lelinca yekwanile kamba kalulo yayona seifumaneha mwa lipuo za bosusu zeñata, mi isweli kuzwisiwa mwa lipuo za bosusu zeñata silimo ni silimo. (Kuli mubone mukoloko wa lipuo kamba kubuha vidio ya Bibele fa Intaneti, mubone mbokisi yeli, “ Bibele ya Toloko ya Lifasi Lelinca Mwa Puo ya Bosusu.”)

•   Mubuhe vidio yeli, Bibele ya Toloko ya Lifasi Lelinca Yekwanile ya Fumaneha Mwa Puo ya ASL kuli muitute ka za musebezi oeziwanga kuli kuzwisiwe Bibele mwa puo ya bosusu.

•   Kuli muikole kubuhanga Bibele ya mwa puo ya bosusu, mubeye app ya JW Library Sign Language fa kapangaliko kamina. App ye imilumeleza kuketa litimana zemubata mwa Bibele ya mwa puo ya bosusu.

•   Bo Dmytro ni bo Vita ki bashemi babali bosusu, kono bana babona bautwa. Mubone mo lubasi lwabona lutuselizwe ka kubuhanga Bibele zazi ni zazi mwa puo ya bosusu.

 Mavidio aluta lituto za mwa Bibele. Lipaki za Jehova balukisize mavidio a mwa puo ya bosusu ili atusa batu kuutwisisa Bibele ni kusebelisa likelezo zayona ka za . . .

•   Batu babanyalani ni mabasi

•   Babanca ni ba mwa lilimo za kunonoboka

•   Banana

 Kuituta Bibele ni mutu yomuñwi. Muitute lushango lwa mwa Bibele mwa puo ya bosusu ka kutusiwa ki mutu yomuñwi yakaitutanga ni mina Bibele ka kuya ka nako yemutabela. Mukupe kubona moiezezwanga tuto ya Bibele yesalifelwi ye.

 Bo Jeson Senajonon bapila mwa Philippines. Mubone mo kuituta Bibele ni luna neku batuselize kuba ni silikani sesitiile ni Mulimu.

 Bo Mario Antúnez nebabanga bo pasita mwa keleke yeñwi mwa Honduras. Mubone mone bafumanezi likalabo kwa lipuzo zabona za Bibele, sina mobataluselize mwa likande la bupilo bwabona lelili “Neninani Lipuzo Zeñata Kufita Likalabo.”

 Mikopano ya puteho ni mikopano yemituna. Lunani liputeho ni likwata zeitusisa puo ya bosusu mwa lifasi kaufela kobakopanelanga batu babali bosusu kuli baitute ni kulapela Mulimu sunda ni sunda. Hape, silimo ni silimo lubanga ni mikopano yemituna mwa puo ya bosusu ili kobaitutanga lituto zeñwi za mwa Bibele. Kwa mikopano yaluna ya puteho ni yemituna, kubanga batu baba tolokelanga bosusu babasa boni. Mi hape lunani lihatiso za mwa muñolo wa libofu zemukona kuikungela kusina kulifa sesiñwi.

•   Mufumane Ndu ya Mubuso yeli bukaufi ni komupila.

•   Muitute ka za mikopano yaluna yemituna ya ka silimo ni ya mupotoloho.

•   Mufumanehe kwa Kupuzo ya Lifu la Jesu, ili kezahalo ya butokwa hahulu yelubanga ni yona hañwi ka silimo.

 Bo José Luis Ayala bapila kwa Mexico. Nebapepilwe inze bali bosusu mi hasamulaho batuhela kubona. Muitute mone batuselizwe kuba baluti babande ba Bibele.