Mwa silimo sa 2023, licaziba mwa litaba za bualafi nebalemuhile kuli butata bwa kuikutwa buinosi ki butata bobutuna hahulu ili bobutokwa kutatululwa. Kana butata bo bwakona kutatululwa?

•   Bo Dr. Vivek Murthy, babatalima za likalafo zeama kupazulwa ba kwa United States batalusa kuli, “Haiba luikutwa buinosi ni kuikauhanya kwa batu babañwi lwakona kukenelwa ki butuku bobuñwi mi lwakona kufelelwa ki tabo.” Kono baekeza kuli: “Kunani zelukona kueza ka za muinelo wo.” Ki lika mañi ona zeo? “Zazi ni zazi lwakona kuezanga lika zeñwi zekona kutiisa silikani sa luna ni batu babañwi.” a

 Haluikutwangi feela buinosi haluli lunosi. Batu babañwi bakona kuikutwa buinosi nihabali mwahalaa batu babañata. Kusina taba ni zekona kutahisa kuli muikutwe buinosi, Bibele yakona kumitusa. Mwa Bibele kunani likelezo zende zekona kulutusa kutiyela butata bwa kuikutwa buinosi ka kutiisa silikani sa luna ni batu babañwi.

 Muambolange hande ni batu babañwi. Kueza cwalo kukopanyeleza kuba bateelezi babande isiñi kuba batu bababatanga feela kutalusa mobaikutwela. Haiba mubonisa kuli mwaisa pilu mutu yomuñwi, silikani samina ni yena sikatiya.

•   Sikuka sa mwa Bibele: ‘Muise pilu, isiñi ku zamina feela, kono ni ku za babañwi.’—Mafilipi 2:4.

 Mube ni balikani babashutana-shutana. Mueze silikani ni batu babahulu ku mina kamba banana ku mina kamba ba lisimuluho zeshutana ni zamina kamba babazwa kwa linaha lisili.

•   Sikuka sa mwa Bibele: “Mukwalule hahulu lipilu zamina.”—2 Makorinte 6:13.

 Kuli muzibe zeñata ka za momukona kutiiseza silikani samina ni babañwi, mubale taba yeli, “Satisfying Our Hunger for Friendship.”