Batu babañata mwa lifasi kacenu, bakopana ni butata bwa kufumana masheleñi amañata a kuleka lika za kuipilisa ka zona, mi muinelo wo uzwelapili kutotobela luli.

•   Ka kuya ka piho ya cwanoñufa mwa lifasi kaufela, a masheleñi ebaholanga batu kweli ni kweli ki amanyinyani kuli mane bapalelwa kuleka lika zeñata za kuitusisa. Piho ye neibonisize kuli haiba hakuna zeka eziwa ka za muinelo wo, kukaba ni shutano yetuna hahulu mwahalaa bafumi ni babotana mi mabasi amañata haana kupila hande sina mone kuinezi kwamulaho.

 Kana mibuso ya batu ika kona kutatulula butata bwa kutotobela kwa sifumu?

 Bibele ibonisa kuli kunani mubuso onani maata a kutatulula butata bwa kutokwa hande masheleñi mi mubuso wo ukatahisa kuli batu kaufela bapile bupilo bobunde. Ibulela kuli “Mulimu wa lihalimu ukatoma mubuso,” ona mubuso oka zamaisa lika kaufela ze fa lifasi. (Daniele 2:44) Mubuso wo hauka busa, hakuna mutu yaka libalwa kamba kuyubekwa. (Samu 9:18) Mubuso wa Mulimu ukabona teñi kuli babusiwa baona banani lika kaufela zebatokwa kuli baikole bupilo. Batu kaufela bakaikola lika zende zekazwa mwa misebezi yabona.—Isaya 65:21, 22.