MUSEBEZI OIPITEZI
Zeuka Eza Mubuso wa Mulimu Kwa Baeteleli ba Lipolitiki Babasa Sepahali
Batu kacenu babata baeteleli babasepahala ili bobakona kusepa; banyikwile kubusiwa ki baeteleli babasa sepahali ka nako yetelele. Mwa patisiso yeezizwe mwa libaka zeshutana-shutana mwa lifasi kaufela mwa 2023, batu babañata nebabulezi kuli batu feela bobasa sepi ki baeteleli ba lipolitiki. a
Bibele ibulela za mubuso ili wo Mueteleli waona wasepahala mi hakoni kulekiwa kweta. Mubuso wo ki Mubuso wa Mulimu mi Mueteleli waona ki Jesu Kreste.—Isaya 9:7.
Jesu ubonisize ka likezo zahae kuli walata batu mi wabaisa pilu luli. (Mateu 9:35, 36) Ka kuba Mulena wa Mubuso wa Mulimu, ukatahisa kuli batu kaufela bababata kubusiwa ki yena bapile mwa kozo ni kuluka.—Samu 72:12-14.
a Piho ya ba Edelman Trust Barometer ya mwa 2023.