Le Batumoni ba Yehova Bakulupile Amba Leza Wāpangile Diulu ne Ntanda mu Mafuku Asamba a Bula bwa Mansá 24?
Aa. Batwe Batumoni ba Yehova tukulupile amba Leza wāpangile bintu byonso. Inoko ketwitabijepo amba wēbipangile mu mafuku asamba a bula bwa mansá 24. Mwanda waka? Mwanda Bible kanenangapo nankyo. Tala bino bimfwa bibidi:
Bula bwa mafuku asamba a bupangi. Bamo banenanga’mba mafuku asamba a bupangi, i mafuku a mansá 24 ku difuku. Inoko kishima “difuku” kingidijibwe mu Bible kibwanya kufunkila pa bulampe bwa kitatyi kampanda.—Ngalwilo 2:4; Ñimbo ya Mitōto 90:4.
Myaka yalonga ntanda. Bantu bamo bafundijanga’mba ntanda ibalonga myaka tununu tubalatunga’tu kete. Inoko, mungya binena Bible, diulu ne ntanda byāikele’ko kumeso kwa mafuku asamba a bupangi kwikala’ko. (Ngalwilo 1:1) Pa uno mwanda, Batumoni ba Yehova kebapelangapo binenanga befundi ba sianse amba ntanda ke milāle padi myaka midiyala.
Nansha batwe Batumoni ba Yehova byotukulupile mu bupangi, inoko ketupatanyangapo binena sianse. Tukulupile amba sianse ya bine ne Bible i bikwatañane.
Tala'po Bidi ne Bino:
BIPANGUJO BYA MU BIBLE BILONDOLWELWE
Le Sianse Itabije Binena Bible?
Le mu Bible mudi bilubo bya sianse?
BIPANGUJO BYA MU BIBLE BILONDOLWELWE
Lelo Leza Wāshilwile Kupanga Diulu ne Ntanda Kitatyi’ka?
Malondololo atanwa mu muswelo wingidijibwe kishima “ngalwilo” ne “difuku” mu mukanda wa Ngalwilo.
BUFUNDIJI BWA BIBLE BWA KAMWENO
Le Diulu ne Ntanda Byāpangilwe?
Bantu bavule kebevwanijangapo mānga ya Bible ya bupangi kadi beimonanga bu mfumo. Le byobya binena Bible i bikulupilwa?
MYANDA ITUTALA
Lomba Kwifunda Bible
Mwisambilei pa bipangujo bya mu Bible, yukila’ko bivule pa Batumoni ba Yehova.