Mwingilo otwingila ntanda yonso ukwatakanibwanga dibajinji na byabuntu bya kwilanga bileta Batumoni ba Yehova a Tutūlanga tumasanduku twa byabuntu mu bifuko byetu bya kutōtela’mo, kadi muswelo mukwabo wa kuleta byabuntu i mulombolwe pa Entelenete. Pa Entelenete padi miswelo mishileshile ya mwa kutūdila byabuntu ibwanya muntu kutonga’po mwa kuletela byabuntu bya mwingilo wingilwa ntanda yonso nansha bya muswelo mukwabo.

 Batumoni ba Yehova kebebalombengapo kya kujikija, buvule bwa lupeto kampanda nansha kamweno ka mu misokwe yabo. (2 Bene Kodinda 9:7) Kukupwila kwetu kekuloñwangapo mukongo nansha kufuta pa kutwela. Kadi bengidi betu kebalombengapo lupeto lwa lubatyijo, lwa madilo, lwa butundaile nansha lwa mingilo mikwabo ya kipwilo. Ketukimbengapo lupeto na kupoteja magato, kulonga shinsani, na kukaya makayo a kwidya lupeto, na kuteakanya ñendo ya kwitāka, kuteakanya mafetyi, kusunga, nansha bintu bikwabo bidi bwa bino, kadi ketulombengapo byabuntu. Ketusokolangapo myanda ya bantu batūla byabuntu, kadi ketutūdilanga’yopo bantu bonso. (Mateo 6:2-4) Pa masite etu ne mu mabuku etu kemudipo myanda ya kumwena’mo lupeto.

 Mu kipwilo ne kipwilo kya Batumoni ba Yehova batañanga’mo kweji ne kweji lapolo ya lupeto ku kupwila, kwine kutanwanga muntu ense. Doshe ya myanda ya lupeto ibandaulwanga kitatyi ne kitatyi mwanda wa kuyuka shi lupeto lwingidijibwanga senene.—2 Bene Kodinda 8:20, 21.

•   Tumasanduku twa byabuntu: Ubwanya kutūla byabuntu bya lupeto nansha sheke mu tumasanduku twa byabuntu ku Mobo a Bulopwe, Mobo a Bitango, nansha ku bifuko bikwabo kotupwidilanga.

•   Byabuntu bya pa Entelenete: Mu matanda mavule, ubwanya kwingidija paje “Tūla Byabuntu Kudi Batumoni ba Yehova” pa kuleta byabuntu na kalata ka kwapuja lupeto, kalata ka Banki, kutūla na konte ya banki ne miswelo mikwabo ya mu bingidilwa bya nshinga. b Batumoni bamo ‘baleanga’ko kantu’ kweji ne kweji ne kwitūdila’ko mpangiko ya kwingidija muswelo umo pa ino.—1 Bene Kodinda 16:2.

•   Byabuntu bitandikwe kala: Miswelo imo ya kutūla byabuntu ilomba kutandika kala kumeso kwa kitatyi nansha kuyukija kala mwingilo utala bijila. Kutandika bintu uno muswelo kubwanya kukukwasha baleke kukulomba bitanshi mu yenu ntanda. Bantu bavule bamwenine mu myanda miyampe itala byabuntu ibwanya kulembwa pobadi bōmi nansha kulondwa shi abafu. Tubakulombe wite ku bilo ya musambo ya Batumoni ba Yehova shi usaka kuyukila’ko bivule pa mwa kutūdila byabuntu na

  •   konte ya banki

  •   mukanda wa kwikinga ku akishida ne mukanda wa pasho

  •   mobo

  •   lubanza

  •   mukanda wa bupyani (Testament)

 Shi usaka kuyukila’ko miswelo mivule ya mwa kutūdila byabuntu koshikete, tala pa paje “Tūla Byabuntu Kudi Batumoni ba Yehova.”