Le Mfwaninwe’nka Kwikala Kamoni wa Yehova Shi Nefunde Nabo Bible?
Aa, kunenwepo’nka kwikala’bo. Bavule basangelanga mpangiko yetu ya kwifunda Bible nansha byokebadipo mu kipwilo kyetu. a Kitungo kya ino mpangiko i kukulombola bine bifundija Bible. Byosaka kulonga na byowifunda bikutala abe mwine. Tuyukile amba lwitabijo i mwanda utala muntu aye mwine.—Yoshua 24:15.
Le mbwanya kwingidija Bible wami pa kwifunda?
En-en. Nansha byotusangelanga kwingidija Bisonekwa Bijila—Bwalamuni bwa Ntanda Mipya bwa muneneno wa panopano kadi nansha tubakupe Bible obe ku bitupu shi usaka’ye, ino tukasangala shi wingidija Bible odi nandi kala. Ubwanya kwifunda musapu wa mu Bible uleta lukulupilo ne lupandilo mu Bible ye-yense.
Mwanda waka mwifundanga na bantu kebetabilapo mu kyenu kipwilo?
-
Kintu kibajinji kitutononanga i buswe botusenswe Yehova Leza, mwine usaka bene Kidishitu bafundije bakwabo byobafundile. (Mateo 22:37, 38; 28:19, 20) Tumonanga’mba i kutupu dyese dipityile kwikala “bengidi bengila pamo na Leza” mu kukwasha bantu befunde myanda ifundija Kinenwa kyandi.—1 Kodinda 3:6-9.
-
Kadi tutononwanga na buswe botusenswe bakwetu. (Mateo 22:39) Tudi na nsangaji ya kukwasha bakwetu bayuke bintu bya kutendelwa byotuyukile.—Bilongwa 20:35.
a Lombola kibalwa kya bifundwa bya Bible, mu mwaka wa 2023 twaendeje bifundwa bya Bible 7,281,212 kweji ne kweji, bavule befundile na bantu beshileshile. Ino i’nka bantu 269,517 kete ye babatyijibwe bu Batumoni ba Yehova mu mwine mwaka’u.
Tala'po Bidi ne Bino:
MYANDA ITUTALA
I Bika Biloñwanga mu Kifundwa kya Bible?
Ntanda yonso, Batumoni ba Yehova i bayukane pa mwanda wa mpangiko yabo ya kufundija Bible ku bitupu. Tala mobalongelanga.
BIPANGUJO BIPANGULWANGA DIVULE
Le Kifundwa kya Bible Kīfundanga Batumoni ba Yehova na Bantu I Bika?
Mu mpangiko ya kwifunda Bible ku bitupu na Batumoni ba Yehova, ubwanya kwingidija’mo bwalamuni bo-bonso bwa Bible. Ita kisaka kyobe kyonso nansha balunda nobe batanwe’po.
BIPANGUJO BYA MU BIBLE BILONDOLWELWE
Le I Bintu’ka Bikakukwasha Wivwanije Bible?
Nansha shi wi wa kwepi, ubwanya kwivwanija musapu wa Leza udi mu Bisonekwa Bijila.
