Lelo Kudi “Mpekato Isamba-Ibidi”?
Bilondolola Bible
Bible kesambīlepo patōkelela pa “mpekato isamba-ibidi.” Inoko ufundija’mba kulongalonga bubi kukalengeja muntu aleke kumona būmi bwa nyeka. Kimfwa, Bible utela bubi bukatampe bwa busekese, butōtyi bwa bilezaleza, majende, bulobo bupitepite, bunkolwankolwa amba i “mingilo ya ngitu.” Kadi unena’mba: “Boba balongalonga bino bintu kebakapyanapo Bulopwe bwa Leza.”—Bene Ngalatea 5:19-21. a
Le Bible katelelepo ‘bintu bisamba-bibidi byobakwatwa mukenye kudi Mfumwetu’?
En-en, wibitela. Mungya Mukanda Ukola, Nkindi 6:16 inena’mba: “Kudi bintu bisamba bishikilwe Yehova; eyo, i bisamba-bibidi byo byamunyaji kwadi.” Inoko mu mulongo wa bubi bulonda’ko butelelwe mu Nkindi 6:17-19 kemutelelwepo bubi bonso. Utela’tu bubi bukatampe bwelekeja miswelo yonso ya bilongwa bibi, kimfwa bya mu ñeni, mu binenwa, ne mu bilongwa. b
Le kishima “mpekato” kishintulula bika?
Malamuni mavule i mengidije kino kishima mu 1 Yoano 5:16. Kimfwa tutanga mu The New American Bible amba: “Kudi ne bintu bya mpekato.” Kishima kyalamwinwe bu “mpekato” kibwanya ne kwalamunwa bu “bubi buleta lufu.” Le i kwishila’ka kudi pa bukata bwa “bubi buleta lufu” ne “bubi kebuletapo lufu”?—1 Yoano 5:16.
Bible ulombola patōkelela’mba bubi bonso butwalanga ku lufu. Inoko tubwanya kukūlwa ku bubi ne ku lufu kupityila ku kitapwa kya kinkulwa kya Yesu Kidishitu. (Bene Loma 5:12; 6:23) Nanshi “bubi buleta lufu” i bobwa kebupūtyilwepo na kinkulwa kya Kidishitu. Muntu ulonga bubi bwa uno muswelo i musumininwe kwiendeja bibi mu muswelo wakabwanyapo kushinta ngikadila yandi nansha mwiendelejo wandi. Kadi Bible unena’mba bubi bwa uno muswelo ‘kebukalekelwapo.’—Mateo 12:31; Luka 12:10.
a Kekudipo enka bimfwa 15 bya bubi bukatampe budi mu Bene Ngalatea 5:19-21, ino kudi ne bukwabo, mwanda pa kupwa kwibutela, Bible ubweja’ko amba “ne bintu bidi namino.” Nanshi mutangi i mukankamikwe kwingidija bujinguludi bwandi pa kuyuka bintu kebitelelwepo ino “bidi namino.”
b Mu Nkindi 6:16 mudi kimfwa kya muneneno wa Bayuda wa kukomeneja, kibalwa kya bubidi na kwikishiañanya na kibajinji. Muneneno wa uno muswelo i mwingidijibwe divule mu Bisonekwa.—Yoba 5:19; Nkindi 30:15, 18, 21.
Tala'po Bidi ne Bino:
BIPANGUJO BYA MU BIBLE BILONDOLWELWE
Le Bubi Kebulekelwapo I Bubi’ka?
Le i muswelo’ka obwanya kuyuka shi ubalonga bubi kebulekelwapo?
KITEBA KYA MULAMI
Lelo Bine Tubwanya Kusangaja Leza?
Malondololo abwanya kutanwa mu myanda ya mu būmi ya ba Yoba, Lota ne Davida, bonso bālongele bilubo bikatampe.
BIPANGUJO BYA MU BIBLE BILONDOLWELWE
Lelo Leza Ukandekela?
Tala bintu binena Bible bya kulonga pa kulekelwa na Leza.
ESSENTIAL BIBLE TEACHINGS
Mwanda Waka Yesu Wāfwile?
Bible ulombolanga mvubu mikatampe ya lufu lwa Yesu. Le lufu lwandi lwādi na kitungo?
