Le Bible Ubwanya Kunkwasha Ngikale na Nsangaji mu Kisaka?
Bilondolola Bible
En-en. Madingi a tunangu adi mu Bible akweshe bana-balume ne bana-bakaji midiyo ne midiyo bekale na nsangaji mu kisaka i ano:
Lembejai busongi bwenu. Pa kwikala na nsangaji mu kisaka bilomba kulembeja busongi bwenu ne kwikala pamo mu būmi bonso.—Mateo 19:4-6.
Mwisanswei ne kwilēmeka. Kino kilomba kulongela mwinē pobe bintu byosaka nandi akulongele.—Mateo 7:12; Bene Efisesa 5:25, 33.
Lekai kwishinika bishima bisansa. Nena’tu binenwa biyampe nansha shi mwinē pobe wakunena nansha kukulonga kintu kisansa. (Bene Efisesa 4:31, 32) Bible unena mu Nkindi 15:1 amba: “Kulondolola na kitūkijetyima kusonsololanga bukalabale, ino binenwa bisansa bikolomonanga bulobo.”
Mwilamatei. Longa bilongwa bya bukena ne kulāla enka na mwinē pobe kete. (Mateo 5:28) Bible unena’mba: “Busongi bulēmekibwe na bonsololo, ne butanda bwa buluo nabo bwikale bwampikwa disubi.”—Bahebelu 13:4.
Fundijai benu bana na buswe. Lekai kwikala na kilomonyeka nansha na mutyima mūmu.—Nkindi 29:15; Bene Kolose 3:21.
Tala'po Bidi ne Bino:
KISAKA KYENU KIKOKEJA KWIKALA NA NSANGAJI
Londai Musakila Leza Mwikale na Busongi bwa Nsangaji
Kwiipangula bipangujo bibidi bipela kubwanya kulubumbulula busongi bwenu.
BIPANGUJO BYA MU BIBLE BILONDOLWELWE
Le ‘Kulēmeka Shobe ne Inobe’ Kushintulula Bika?
Ubwanya kutulumuka pa kuyuka kine kekishintululapo luno lubila.
BUSONGI NE KISAKA
Mwa Kwikadila Tata Muyampe
Muswelo odi na obe mukaji paakidi na dīmi umwekeja mokekadila bu tata shi mwana wabutulwa.
MYANDA ITUTALA
Lomba Kwifunda Bible
Mwisambilei pa bipangujo bya mu Bible, yukila’ko bivule pa Batumoni ba Yehova.