Ñimbo ya Mitōto 136:1-26
136 Fwijai’ko Yehova, mwanda i muyampe;+Buswe bwandi bwa ndamatyidile bulādilanga nyeke.+
2 Fwijai’ko Leza wa baleza,+Mwanda buswe bwandi bwa ndamatyidile bulādilanga nyeke.
3 Fwijai’ko Mfumwandya bamfumu,Mwanda buswe bwandi bwa ndamatyidile bulādilanga nyeke.
4 Aye bunka bwandi uloñanga bya kutendelwa bikatakata,+Mwanda buswe bwandi bwa ndamatyidile bulādilanga nyeke.+
5 Wālongele madiulu na bwino,*+Mwanda buswe bwandi bwa ndamatyidile bulādilanga nyeke.
6 Waādile ntanda peulu pa mema,+Mwanda buswe bwandi bwa ndamatyidile bulādilanga nyeke.
7 Wālongele bitōkeji bikatampe,+Mwanda buswe bwandi bwa ndamatyidile bulādilanga nyeke,
8 Dyuba dya kubikala mu dyuba,+Mwanda buswe bwandi bwa ndamatyidile bulādilanga nyeke,
9 Kweji ne ñenyenye bya kubikala bufuku,+Mwanda buswe bwandi bwa ndamatyidile bulādilanga nyeke.
10 Wāipaile babedi ba Edipito,+Mwanda buswe bwandi bwa ndamatyidile bulādilanga nyeke.
11 Wātambija Isalela mu bukata mwabo,+Mwanda buswe bwandi bwa ndamatyidile bulādilanga nyeke,
12 Na kuboko kwa bukomo+ ne kuboko kōlole,Mwanda buswe bwandi bwa ndamatyidile bulādilanga nyeke.
13 Wākalañenye Dijiba Dityila pabidi,*+Mwanda buswe bwandi bwa ndamatyidile bulādilanga nyeke.
14 Wāpityije Isalela mu bukata mwadyo,+Mwanda buswe bwandi bwa ndamatyidile bulādilanga nyeke.
15 Wāela Felo ne kibumbo kyandi kya divita mu Dijiba Dityila,+Mwanda buswe bwandi bwa ndamatyidile bulādilanga nyeke.
16 Wāendeja bantu bandi mu ntanda mutuputupu,+Mwanda buswe bwandi bwa ndamatyidile bulādilanga nyeke.
17 Wāipaya balopwe bakatampe,+Mwanda buswe bwandi bwa ndamatyidile bulādilanga nyeke.
18 Wātapa balopwe bakomo,Mwanda buswe bwandi bwa ndamatyidile bulādilanga nyeke,
19 Shihone+ mulopwe wa bene Amole,Mwanda buswe bwandi bwa ndamatyidile bulādilanga nyeke,
20 Ne Oka+ mulopwe wa Bashane,Mwanda buswe bwandi bwa ndamatyidile bulādilanga nyeke.
21 Wāpēne ntanda yabo bu bupyani,+Mwanda buswe bwandi bwa ndamatyidile bulādilanga nyeke,
22 Bupyani bwa Isalela mwingidi wandi,Mwanda buswe bwandi bwa ndamatyidile bulādilanga nyeke.
23 Wētuvulukile potwadi bapēlulwe,+Mwanda buswe bwandi bwa ndamatyidile bulādilanga nyeke.+
24 Wadi witukūla nyeke ku balwana netu,+Mwanda buswe bwandi bwa ndamatyidile bulādilanga nyeke.
25 Upanga bintu byonso* byūmi byakudya,+Mwanda buswe bwandi bwa ndamatyidile bulādilanga nyeke.
26 Fwijai’ko Leza wa mūlu,Mwanda buswe bwandi bwa ndamatyidile bulādilanga nyeke.
Kunshi kwa Dyani
^ Nansha’mba “wālongele madiulu na ñeni.”
^ Kishima pa kishima i, “bipindibipindi.”
^ Kishima pa kishima i, “ngitu yonso.”
