Ñimbo ya Mitōto 17:1-15
Milombelo ya Davida.
17 Ivwana milombelo yami mongabija boloke, a Yehova;Tá mutyima ku kulomba konomba bukwashi;Teja milombelo yami yonena pampikwa bongojani.+
2 Kwata butyibi boloke pa mwanda wami;+Meso obe amone kyokya kyoloke.
3 Ubabandaula mutyima wami, ubaumpempula bufuku;+Ubauntōkeja;+Ukamona’mba nkikutyilepo nkuku ya kulonga kibi nansha kimo,Kadi kyakanwa kyami kekijilwilepo.
4 Inoko pa mingilo ya bantu,Mwendele kinenwa kya milomo yobe, mpelanga tushinda twa kabwalāla.+
5 Matabula ami ashale nyeke mu tushinda tobeNabya maulu ami keakakukalapo.+
6 A Leza, nakwite, mwanda abe ukanondololanga.+
Tá kutwi kobe kondi.* Ivwana binenwa byami.+
7 Lombola buswe bobe bwa ndamatyidile mu muswelo wa kutendelwa,+Abe Umpandiji wa boba bakimba kinyemeno ku kuboko kobe kwa lundyoMwanda wa boba bakutombokela.
8 Ndame pamo’nka bwa nkishi wa mu diso dyobe;+Mfye mu mwemba wa mapapa obe.+
9 Ndame ku babi bantamba,Ku balwana nami ba lufu* banjokolokele.+
10 Abaumija mityima yabo;*Besamba bya kibengo na kyakanwa kyabo;
11 Pano abetutyinye;+Bakimba mukenga wa kwituponeja panshi.*
12 Udi pamo bwa ntambo wabila kusasamuna kikwatwa kyandi bipindibipindi,Pamo bwa ntambo mwana ufukete ufyeme.
13 A Yehova, imana ulwe nandi+ ne kumushinda panshi;Nyongolole ami* ku babi na kipete kyobe;
14 Nyongolole na kuboko kobe, a Yehova,Ku bantu ba ino ntanda,* ba kipindi kyabo mu buno būmi,+Boba boyuja bintu biyampe byoleta+Ne boba bashila babo bana bavule bupyani.
15 Inoko amiwa, nkamona mpala yobe mu boloke;Ne musangele kubūka ku meso obe.*+
Kunshi kwa Dyani
^ Nansha’mba “Bandama ungivwane.”
^ Nansha’mba “balwana nami balwa na muya.”
^ Nansha’mba “Abejikila mu māni a abo bene.”
^ Nansha’mba “kwitwela panshi mu biloba.”
^ Nansha’mba “muya wami.”
^ Nansha’mba “ngikadilo ya bintu.”
^ Nansha’mba “kumona moikadile.”
