Ñimbo ya Mitōto 19:1-14
Kudi mukulu wa bañomba. Lwimbo lwa Davida.
19 Madiulu asapulanga ntumbo ya Leza;+Diulu dya mūlu* dilombolanga mingilo ya makasa andi.+
2 Difuku ne difuku mīsambo yao ilupukanga,Kadi bufuku ne bufuku asokolanga buyuki.
3 Kekudipo mīsambo, kadi kekudipo binenwa;Diwi dyao kedivwanikwangapo.
4 Ino lunwa* lwao lubasambakana mu ntanda yonso,Kadi musapu wao ubafika ne ku mfulo ya ntanda ikelwe na bantu.*+
Wapopela dyuba pema mu madiulu;
5 Didi pamo bwa musoñañani utamba mu kyumba kya butundaile;Disangalanga pamo bwa muntu mukomokomo unyema lubilo mu dishinda dyandi.
6 Ditambanga ku mfulo imo ya madiulu,Ne kujokolokela ku mfulo yao mikwabo;+Kadi i kutupu kifyama ku kyanga kyadyo.
7 Bijila bya Yehova i bibwaninine,+ byalujanga bukomo.*+
Kivulujo kya Yehova i kikulupilwa,+ kyalamunanga wampikwa bwino ke wa tunangu.+
8 Misoñanya ya Yehova i myoloke, isangajanga mutyima;+Mbila ya Yehova i itōka, ilengejanga meso eñenye.+
9 Kutyina Yehova kudi tō,+ kulādilanga nyeke.
Butyibi bwa Yehova i bwa bine, abo bonso i boloke.+
10 Bwabilwanga bininge kutabuka olo,*Kutabuka olo mingi itōka,*+Butobalanga kutabuka būki,+ būki busūma ku bisá.
11 Mwingidi obe wadyumunwa nabo;+Mu kulama’bo, mudi mpalo mikatampe.+
12 I ani le ubwanya kujingulula bilubo?+
Ntōkeje ku mambo a bubi bonkiyukilepo.
13 Kadi kankaja mwingidi obe ku bilongwa bya ditatu;*+Kokebileka bimbikale.+
Penepa nkekala mubwane,+Kadi wampikwa mambo a bubi bwa patōkelela.*
14 Binenwa bya kyakanwa kyami ne kulanguluka kwa mutyima wamiBikusangaje,+ abe Yehova, Dibwe+ dyami ne Mukūdi+ wami.
Kunshi kwa Dyani
^ Nansha’mba “lwelēle.”
^ Bibwanika padi i, “monji wa kupima nao.”
^ Nansha’mba “ntanda ipa bipa.”
^ Nansha’mba “byalujanga (bijokejanga) muya.”
^ Nansha’mba “nsahabu.”
^ Nansha’mba “mikundulwe.”
^ Nansha’mba “bya kibutakwe.”
^ Nansha’mba “kujilula kungikungi.”
